സുഹൃത്തിൻ്റെ കാമുകൻ്റെ വെടിയേറ്റ് അമേരിക്കന് റാപ്പര് മരിച്ചു. മരിയേല് സെമോൻ്റെ ഒർ എന്ന ഗായകനാണ് മരിച്ചത്. റാപ് സംഗീത രംഗത്ത് ‘ട്രബിൾ’ എന്ന പേരിൽ പ്രസിദ്ധനായിരുന്നു.
അറ്റലാൻ്റയിലെ റോക്ക്ഡേല് കൗണ്ടിയിലെ അപ്പാർട്മെൻ്റിൽ പെൺ സുഹൃത്തിനൊപ്പമായിരുന്നു സെമോൻ്റേ. അപ്പാർട്മെൻ്റിൽ ഒപ്പം ആയിരിക്കെയാണ് വെടിയേറ്റത്. ഉടനെ ആശുപത്രിയില് എത്തിച്ചുവെങ്കിലും ജീവന്രക്ഷിക്കാനായില്ല.
സംഭവവുമായി ബന്ധപ്പെട്ട് ജമൈക്കല് ജോണ്സ് എന്ന യുവാവിനെ അറസ്റ്റ് ചെയ്തു. പ്രണയം തകര്ന്നതിലുള്ള വൈരാഗ്യമാണ് ജമൈക്കല് ജോണ്സിനെ കൊലപാതകത്തിലേക്ക് നയിച്ചതെന്ന് അമേരിക്കന് മാധ്യമങ്ങള് റിപ്പോര്ട്ട് ചെയ്തു. ഇദ്ദേഹത്തിൻ്റെ മുൻ കാമുകിക്ക് ഒപ്പമാണ് ട്രബിൾ മരണ സമയത്ത് ഉണ്ടായിരുന്നത്.
“Come Thru,” “Ain’t My Fault,” and “Bring It Back.” തുടങ്ങിയവയാണ് പ്രശസ്തമായ ആൽബങ്ങൾ.
