കൊച്ചി ടൌൺ ഹാളിനടുത്ത് ഹോട്ടലിൽ വാക്കുതർക്കത്തിനിടെ ഒരാൾ കുത്തേറ്റു മരിച്ചു. കൊല്ലം സ്വദേശി എഡിസണാണ് മരിച്ചത്. ഭക്ഷണം കഴിച്ചു കൊണ്ടിരിക്കെ തർക്കം ഉണ്ടായി മദ്യ കുപ്പി പൊട്ടിച്ച് കഴുത്തിൽ കുത്തി കയറ്റുകയായിരുന്നു.
മുളവുകാട് സ്വദേശി സുരേഷാണ് കുത്തിയത് എന്ന് പൊലീസ് പറഞ്ഞു. പ്രതിയുടെ തിരിച്ചറിയൽ രേഖ ഹോട്ടൽ നിൽക്കുന്ന സ്ഥലത്തു നിന്നും ലഭിച്ചിരുന്നു. പിന്നീട് റെയിൽ വേ സ്റ്റേഷൻ ഭാഗത്തേക്ക് ഓടി രക്ഷപെട്ടു.
എഡിസൺൻ്റെ മൃതദേഹം ജനറൽ ആശുപത്രിയിൽ സൂക്ഷിച്ചിരിക്കുകയാണ്.പ്രതി സുരേഷിനായി നഗരത്തിൽ പൊലീസ് പരിശോധന തുടരുന്നു.
