ഓഗസ്റ്റ് 29 ന് നടക്കുന്ന റിലയന്സ് ഇന്ഡസ്ട്രീസിന്റെ ഈ വര്ഷത്തെ വാര്ഷിക ജനറല് മീറ്റിങ്ങ് ഫൈവ് ജി വിപ്ലവത്തിൻ്റെ വരവ് അറിയിക്കും. വിര്ച്വല് ഇവന്റായാണ് പരിപാടി നടത്തുക. കമ്പനിയുടെ പുതിയ പദ്ധതികളുടെ പ്രഖ്യാപനങ്ങള് പതിവായി നടക്കാറുള്ളതിനാല് ഇത്തവണ 5ജിയുമായി ബന്ധപ്പെട്ട പ്രഖ്യാപനങ്ങള് ഉണ്ടായേക്കുമെന്നാണ് പ്രതീക്ഷിക്കുന്നത്.
ഫൈവ് ജി പ്രഖ്യാപനം മാത്രമല്ല ഇതര സേവന ദാതാക്കളെ ഞെട്ടിക്കുന്ന തരത്തിൽ ഉപഭോക്താക്കളെ ആകർഷിക്കുന്ന പ്രഖ്യാപനവും ഇതോടെ പ്രതീക്ഷിക്കുന്നു. 2016 ൽ 4ജി ആരംഭിച്ചപ്പോൾ എക്കാലത്തെയും മികച്ച ഓഫറാണ് ജിയോ വെച്ചത്. ക്രമേണ ഇവ പിൻവലിച്ചു എങ്കിലും അത് ആഘോഷമായാണ് വിപണിയിൽ സ്വീകരിക്കപ്പെട്ടത്.
10,000 ൽ താഴെ വിലയിൽ 5 ജി ഫോൺ
ഗൂഗിളുമായി ചേര്ന്നായിരിക്കും ഈ വിലകുറഞ്ഞ 5ജി ഫോണ് അവതരിപ്പിക്കുക.
എച്ച്ഡി പ്ലസ് ക്വാളിറ്റിയുള്ള 6.5 ഇഞ്ച് ഐപിഎസ് എല്സിഡി ഡിസ്ക്രീന് ആയിരിക്കും ജിയോഫോണ് 5ജിയ്ക്ക്. 60 ഹെര്ട്സ് റിഫ്രഷ് റേറ്റുണ്ടാവും.
ഒക്ടാകോര് ക്വാല്കോം സ്നാപ്ഡ്രാഗണ് 480 5ജി പ്രൊസസറില് 4ജിബി റാം, 32 ജിബി സ്റ്റോറേജ് എന്നിവയുണ്ടാവും
ജിയോ ആപ്പുകളും ഗൂഗിള് പ്ലേ സേവനങ്ങളുമുള്ള പ്രഗതി ഓഎസ് ആയിരിക്കും ഇതിലുണ്ടാവുക.
5000 എംഎഎച്ച് ബാറ്ററിയില് 18 വാട്ട് ചാര്ജിങ് സൗകര്യമുണ്ടാവും. യുഎസ്ബി ടൈപ്പ് സി ചാര്ജിങ് പോര്ട്ട് ആയിരിക്കും.
13 മെഗാപിക്സല് പ്രൈമറി ക്യാമറയും 2 എംപി മാക്രോ ക്യാമറയും അടങ്ങുന്ന ഡ്യുവല് ക്യാമറ സംവിധാനം ഉണ്ടാവും.
സൈഡ് മൗണ്ട് ഫിംഗര്പ്രിന്റ് സെന്സര്, ഓള്വേയ്സ് ഓണ് ഗൂഗിള് അസിസ്റ്റന്റ്, റീഡ് എലൗഡ് ഡെക്സ്റ്റ്, ഇന്സ്റ്റന്റ് ട്രാന്സ് ലേഷന്, ഗൂഗിള് ട്രാന്സിലേറ്റ് തുടങ്ങിയ സൗകര്യങ്ങളും ഫോണിലുണ്ടാവും.
വിപണിയിലെ മത്സരം നിശ്ചയിക്കാൻ ഒരുക്കം
അടുത്തിടെ കഴിഞ്ഞ 5ജി ലേലത്തില് ഏറ്റവും കൂടുതല് സ്പെക്ട്രം സ്വന്തമാക്കിയ സ്ഥാപനമാണ് റിലയന്സ് ജിയോ. മറ്റേത് കമ്പനിയേക്കാളും കൂടുതല് തുക ജിയോ ഇതിനായി മുടക്കിയിട്ടുണ്ട്. ഇക്കാരണം കൊണ്ടു തന്നെ രാജ്യത്തെ 5ജി മേഖലയില് ശക്തമായ സാന്നിധ്യമായിരിക്കും ജിയോ.
ഡെല്ഹി, ബെംഗളുരു, ചണ്ഡീഗഢ്, ഗാന്ധിനഗര്, അഹമ്മദാബാദ്, ഗുഡ്ഗാവ്, മുംബൈ, പുനെ, ഹൈദരാബാദ്, ചെന്നൈ, ജാംനഗര്, കൊല്കത്ത, ലഖ്നൗ ഉള്പ്പടെ 13 നഗരങ്ങളില് ജിയോ 5ജി സേവനം ആരംഭിക്കുമെന്നാണ് വിവരം.
ഇതോടൊപ്പം കമ്പനിയുടെ 5ജി ഫോണായ ജിയോഫോണ് 5ജിയും പുറത്തിറക്കിയേക്കും
