കോവിഡ് മൂന്നാം തരംഗത്തെ തുടര്ന്ന് അടച്ചിട്ട വിദ്യാലയങ്ങൾ തുറക്കാന് തീരുമാനമായി. ഒന്നു മുതല് ഒമ്പതു വരെ ക്ലാസ്സുകള്, ക്രഷുകള്, കിന്ഡര് ഗാര്ട്ടനുകള് തുടങ്ങിയവ ഫെബ്രുവരി 14 മുതല് നേരിട്ടുള്ള ക്ലാസുകൾ തുടങ്ങും. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കോവിഡ് അവലോകന യോഗത്തില് തീരുമാനമായത്.
പത്ത്, പതിനൊന്ന്, പന്ത്രണ്ട് ക്ലാസ്സുകളും ബിരുദ, ബിരുദാനന്തര ബിരുദ ക്ലാസ്സുകളും ഫെബ്രുവരി ഏഴ് മുതല് ആരംഭിക്കും. പരീക്ഷകള് മുടക്കമില്ലാതെ നടത്തും.
കോവിഡ് വ്യാപനം അതിതീവ്രമായതിനെ തുടര്ന്ന് ജനുവരി 21 മുതലാണ് രണ്ടാഴ്ചത്തേക്ക് സ്കൂളുകള് അടക്കാന് തീരുമാനിച്ചത്. കോവിഡ് രൂക്ഷത കുറയാത്തതിനെ തുടര്ന്ന് ഇത് കുറച്ച് ദിവസം കൂടി നീണ്ടു. വ്യാപനം താഴ്ന്ന് വരുന്ന സാഹചര്യത്തിലാണ് സ്കൂളുകള് വീണ്ടും തുറന്ന് പ്രവര്ത്തിക്കാന് കോവിഡ് അവലോകന യോഗം തീരുമാനിച്ചിരിക്കുന്നത്.
