ഓണം ബമ്പര് ഭാഗ്യക്കുറി നറുക്കെടുപ്പ് ഇന്ന് ഗോര്ക്കി ഭവനില് ധനമന്ത്രി കെ.എന്. ബാലഗോപാല് നിർവ്വഹിക്കും. 25 കോടിയുടെ ഒന്നാം സമ്മാനവുമായി ഭാഗ്യം നിശ്ചയിക്കപ്പെടും. കേരള ഭാഗ്യക്കുറിയുടെ ഏറ്റവും ഉയർന്ന സമ്മാനത്തുകയാണ്.
വില്പനയിലും റെക്കോഡായിരുന്നു. ശനിയാഴ്ച വൈകുന്നേരംവരെ വിറ്റത് 66.5 ലക്ഷം ടിക്കറ്റുകളാണ്. ടിക്കറ്റിന് പിറകില് ഒപ്പിടുന്നയാളിനാണ് സമ്മാനത്തിന് അര്ഹത.
കഴിഞ്ഞവര്ഷം ഓണത്തിന് വിറ്റത് 54 ലക്ഷം ടിക്കറ്റായിരുന്നു. ഇത്തവണ ആദ്യം 65 ലക്ഷം അച്ചടിച്ചു. ആവശ്യക്കാര് ഏറിയതിനാല് രണ്ടരലക്ഷംകൂടി അച്ചടിച്ചു. ഇനി ശേഷിക്കുന്നത് ഏകദേശം ഒരു ലക്ഷം ടിക്കറ്റുകള്കൂടി മാത്രം. ഞായറാഴ്ച ഉച്ചവരെ ടിക്കറ്റുകള് ലഭിക്കും. 90 ലക്ഷം ടിക്കറ്റുകള്വരെ അച്ചടിക്കാന് ഇത്തവണ ഭാഗ്യക്കുറിവകുപ്പിന് സര്ക്കാര് അനുമതിനല്കിയിരുന്നു.
ഉച്ചയ്ക്ക് രണ്ട് മണിക്കാണ് നറുക്കെടുപ്പ്. ടിക്കറ്റ് വില 500 രൂപയാണ്ചെ.
റിയ ഏജന്റുമാര്ക്ക് 95 രൂപയും 1000 ടിക്കറ്റില്ക്കൂടുതല് വില്ക്കുന്ന വലിയ ഏജന്റുമാര്ക്ക് 99.69 രൂപയും കമ്മിഷനായി നല്കും. ഏകദേശം 400 രൂപയാണ് ടിക്കറ്റൊന്നിന് ഖജനാവില് എത്തുന്നത്. 270 കോടി രൂപ ഇതിനകം എത്തി. സമ്മാനത്തുകയും 28 ശതമാനം ജി.എസ്.ടിയും വകുപ്പിന്റെ നടത്തിപ്പ് ചെലവും എല്ലാം കഴിച്ചുള്ള തുകയാണ് സര്ക്കാരിന് കിട്ടുന്നത്. ഒന്നാം സമ്മാനം നേടുന്ന വ്യക്തിക്ക് നികുതികള് കഴിച്ച് കിട്ടുക 15.75 കോടിയാണ്.
