രാജ്യത്ത് 5 ജി സര്വീസിന് തുടക്കം കുറിക്കാനൊരുങ്ങി ജിയോ. ബുധനാഴ്ച മുതല് ട്രയല് സര്വീസ് ആരംഭിക്കുമെന്ന് പ്രഖ്യാപിച്ചു. ഡല്ഹി, മുംബൈ, കൊല്ക്കത്ത, വരാണസി എന്നിവടങ്ങളിലാകും ട്രയല് സര്വീസ് ആരംഭിക്കുക.
ആദ്യ ഘട്ടത്തില് ഈ നഗരങ്ങളിലെ തിരഞ്ഞെടുക്കപ്പെട്ട ഉപഭോക്താക്കള്ക്ക് മാത്രമാകും ജിയോയുടെ ട്രൂ 5 ജി സേവനം ലഭ്യമാകുക. ഇവരില് നിന്ന് ഉപയോഗ അനുഭവങ്ങള് കമ്പനി തേടും. തിരഞ്ഞെടുക്കപ്പെട്ട ഉപഭോക്താക്കള്ക്ക് ജിയോ വെല്ക്കം ഓഫര് അവതരിപ്പിച്ചിട്ടുണ്ട്.
ഡല്ഹി, മുംബൈ, വാരണാസി, ബെംഗളൂരു തുടങ്ങിയ എട്ട് നഗരങ്ങളില് ശനിയാഴ്ച മുതല് സേവനങ്ങള് ലഭ്യമായെന്ന് എയര്ടെല് മേധാവി സുനില് ഭാരതി മിത്തല് പ്രഖ്യാപിച്ചിരുന്നു. രാജ്യത്ത് 5-ജി സേവനം ആരംഭിക്കുന്ന ആദ്യ കമ്പനി എയര്ടെലാണ്. ഇതിനു പിന്നാലെയാണ് ജിയോ എത്തുന്നത്.
സെക്കന്റില് ഒരു ജിബി സ്പീഡില് ഈ ഉപഭോക്താക്കള്ക്ക് അണ്ലിമിറ്റഡ് ഡാറ്റ നല്കും. ഇവരുടെ നിലവിലെ സിം മാറ്റാതെ തന്നെ ഫൈവ് ജിയിലേക്ക് അപ്ഗ്രേഡ് ചെയ്ത് നല്കും. ഘട്ടം ഘട്ടമായി ട്രയല് റണ് കൂടുതല് നഗരങ്ങളിലേക്ക് വ്യാപിപ്പിക്കും.
