ഗ്രാമി പുരസ്കാര വേദിയിൽ ഇന്ത്യയ്ക്ക് അഭിമാനമായി ഇന്ത്യൻ കമ്പോസർ റിക്കി കേജ്. രണ്ടാമതും ഗ്രാമി പുരസ്ക്കാരം ഇദ്ദേഹത്തെ തേടിയെത്തി. മികച്ച ന്യൂ ഏജ് ആൽബത്തിനുള്ള പുരസ്കാരം സ്വീകരിക്കാൻ റോക്ക് ഇതിഹാസം സ്റ്റീവാർട്ട് കോപ്ലാൻഡിനൊപ്പമാണ് റിക്കി എത്തിയത്. ഡിവൈൻ ടൈഡ്സാണ് പുരസ്കാരം നേടിക്കൊടുത്തത്.
‘ ഡിവൈൻ ആൽബത്തിന് ഗ്രാമി പുരസ്കാരം ലഭിച്ചതിൽ അതിയായ സന്തോഷം. എനിക്ക് സമീപം നിൽക്കുന്ന ഈ ജീവിക്കുന്ന ഇതിഹാസത്തെ എനിക്ക് ഒരുപാട് ഇഷ്ടമാണ്. നിങ്ങളെല്ലാവരോടും എനിക്ക് സ്നേഹമാണ്. ഇത് എന്റെ രണ്ടാമത്തെ ഗ്രാമിയും സ്റ്റിവാർട്ടിന്റെ ആറാമത്തേതുമാണ്’- റിക്കി പറഞ്ഞു. സംഗീത രംഗത്തെ ഓസ്കാർ എന്നറിയപ്പെടുന്ന ചടങ്ങിൽ ഏ ആർ റഹ്മാൻ മുഖ്യാതിഥി ആയിരുന്നു.
നോർത്ത് കരോലീനയിൽ ജനിച്ച റിക്കിയുടെ അച്ഛൻ പഞ്ചാബിയും അമ്മ മാർവാരിയുമാണ്. എട്ട് വയസായപ്പോൾ തന്നെ റിക്കിയും കുടുംബവും ബംഗളൂരുവിലേക്ക് താമംസ മാറി. ബംഗളൂരുവിലെ ഓക്സഫോർഡ് ഡെന്റൽ കോളജിൽ ബിരുദം നേടിയ റിക്കി എന്ന കരിയറായി തെരഞ്ഞെടുത്തത് സംഗീതമായിരുന്നു. ബംഗളൂരുവിലെ റോക്ക് ബാൻഡായ ഏഞ്ചൽ ഡസ്റ്റിൽ കീബോർഡിസ്റ്റായി തുടങ്ങിയ റിക്കിക്ക് പിന്നീട് തിരിഞ്ഞുനോക്കേണ്ടി വന്നിട്ടില്ല.
ബ്രൂണോ മാഴ്സിന്റെ ‘ലീവ് ദ ഡോര് ഓപ്പണ്’ എന്ന ഗാനത്തിനാണ് ഇക്കുറി സോങ്ങ് ഓഫ് ദി ഇയര് പുരസ്കാരം ലഭിച്ചത്. പോപ് താരം ഒലിവിയ റോഡ്രിഗോയ്ക്കും കന്യേ വെസ്റ്റിനും പുരസ്കാരം ലഭിച്ചു. മികച്ച പോപ് ഡുവോ/ഗ്രൂപ്പ് പര്ഫോമന്സ് വിഭാഗത്തില് ഡോജ കാറ്റിനാണ് പുരസ്കാരം
കേൾക്കാം….
