സ്വര്ണക്കടത്ത് കേസിലെ പ്രതി സ്വപ്ന സുരേഷിനെ പിരിച്ചുവിട്ടതായി സ്വകാര്യ എന്ജിഒ ആയ എച്ച്.ആര്.ഡി.എസ്. പാലക്കാട് ആസ്ഥനമായി പ്രവര്ത്തിക്കുന്ന എച്ച്ആര്ഡിഎസില് സിഎസ്ആര് ഡയറക്ടറായി ഫെബ്രുവരിയിലാണ് സ്വപ്നയ്ക്ക് നിയമനം നല്കിയത്.
സ്വര്ണക്കടത്ത് കേസില് ആരോപിതയായിട്ടും ഫെബ്രുവരി 12-നാണ് സ്വപ്നയ്ക്ക് എച്ച്ആര്ഡിഎസ് നിയമന ഉത്തരവ് നല്കിയത്. 43000 രൂപ ശമ്പളത്തിലായിരുന്നു നിയമനം. ജയില് മോചിതയായതിന് പിന്നാലെയായിരുന്നു നിയമനം.
ഇപ്പോൾ പിരിച്ചു വിട്ടതായി പറയുമ്പോഴും അവർക്ക് അധ്യക്ഷ സ്ഥാനം നൽകിയിട്ടുണ്ട്. പ്രതിഫലം ഇല്ലാത്ത തസ്തിക എന്നാണ് വിശദീകരണം
സ്വപ്നയ്ക്കെതിരായ അന്വേഷണ സ്ഥാപനത്തെ ബാധിക്കുന്നതായിട്ടാണ് എച്ച്ആര്ഡിഎസ് നല്കുന്ന വിശദീകരണം. സ്വപ്നയുടെ കൂടി താത്പര്യം മാനിച്ചതാണ് നടപടിയെന്നും അവര് വ്യക്തമാക്കുന്നു.
മുഖ്യമന്ത്രിക്കെതിരെ തിരിഞ്ഞത് നിയമനത്തിന് ശേഷം
മുഖ്യമന്ത്രിക്കെതിരെ സ്വപ്ന ഉന്നയിച്ച ആരോപണങ്ങള്ക്ക് പിന്നില് എച്ച്ആര്ഡിഎസാണെന്ന് ആരോപണമുണ്ടായിരുന്നു. സ്വപ്നയ്ക്ക് നിയമസഹായമടക്കം എച്ച്ആര്ഡിഎസ് ഒരുക്കി നല്കുകയും ചെയ്തിരുന്നു.
നാല് മാസത്തോളം പാലക്കാട് ജോലി ചെയ്തിരുന്ന സ്വപ്ന കഴിഞ്ഞ ആഴ്ച മുതല് കൊച്ചിയിലേക്ക് താമസം മാറിയിരുന്നു. വര്ക്ക് ഫ്രം ഹോം അടിസ്ഥാനത്തില് എച്ചആര്ഡിഎസില് ജോലി ചെയ്യുന്നു എന്നായിരുന്നു അറിയിച്ചിരുന്നത്.
