തൊടുപുഴ കുടയത്തൂരില് തിങ്കളാഴ്ച പുലര്ച്ചെയുണ്ടായ ഉരുള്പൊട്ടലില് രണ്ടുപേര് മരിച്ചു. മൂന്നു പേരെ കാണാതായി ഇവർക്ക് വേണ്ടിയുള്ള തിരച്ചില് തുടരുന്നു. ഒരു വീട് പൂര്ണമായും തകര്ന്നു. ഒരേ വീട്ടിലുള്ളവരാണ് അപകടത്തിന് ഇരയായത്
കുടയത്തൂര് കവലയിലെ മാളിയേക്കല് കോളനിക്ക് മുകളിലാണ് ഉരുള്പൊട്ടലുണ്ടായത്. പുലര്ച്ചെ മൂന്നിനും 3.30 നുമിടെയാണ് ദുരന്തം.
ചിറ്റടിച്ചാല് സോമന്റെ വീടാണ് തകർന്നത്. വീട്ടിലുണ്ടായിരുന്ന സോമന്, അമ്മ തങ്കമ്മ, ഭാര്യ ഷിജി, മകള് ഷിമ, കൊച്ചുമകന് ആദിദേവ് എന്നിവരാണ് അപകടത്തില്പ്പെട്ടത്. തങ്കമ്മ, ആദിദേവ് എന്നിവരുടെ മൃതദേഹങ്ങള് കണ്ടെത്തി. മൂന്ന് പേര്ക്കുവേണ്ടിയുള്ള തിരച്ചില് തുടരുകയാണ്.
തങ്കമ്മയുടെ മൃതദേഹം താലൂക്ക് ആശുപത്രിയിലേക്ക് മാറ്റി. മണ്ണുമാന്തി യന്ത്രങ്ങള് ഉപയോഗിച്ച് കാണാതായവര്ക്കുവേണ്ടി തിരച്ചില് തുടരുകയാണ്.
