ആപ്പിൾ വാച്ച് അൾട്രായെ നായക സ്ഥാനത്താണ് കമ്പനി വിശേഷിപ്പിച്ചിരിക്കുന്നത്. ആപ്പിൾ ഇതുവരെ അവതരിപ്പിച്ചിട്ടുള്ളവയിൽ ഏറ്റവും മോടിയുള്ള വാച്ചെന്ന വിശേഷണമാണ്.
ഔട്ട്ഡോർ സാഹസികത, പര്യവേക്ഷണം എന്നിവയ്ക്ക് ഉൾപ്പെടെ പ്രത്യേകം തയാറാക്കിയ മോഡലാണ്. സിഗ്നൽ പ്രശ്നങ്ങൾക്കിടയിലും കൃത്യമായ ജിപിഎസ് പൊസിഷനിംഗ് ലഭ്യമാവും. ഇതിനായിഡ്യുവൽ ഫ്രീക്വൻസി ജിപിഎസ് ഉൾപ്പെടെ സജ്ജീകരിച്ചിട്ടുണ്ട്.
ഹൈക്കിങ്ങിന് സഹായിക്കുന്നതിനായി വേഫെറർ എന്ന പേരിൽ ഒരു പുതിയ വാച്ച് ഫെയ്സും ഇതിലുണ്ട്. കൂടാതെ സ്കൂബ ഡൈവർമാർക്കായി ഓഷ്യാനിക്+ ആപ്പും ഒറ്റ ചാർജിൽ 36 മണിക്കൂർ വരെ നിൽക്കുന്ന ബാറ്ററിയും സവിശേഷതകളിൽ ഉൾപ്പെടുന്നു.
വില 799 ഡോളർ
799 ഡോളറാണ് ആപ്പിൾ വാച്ച് അൾട്രയുടെ വില. സെപ്റ്റംബർ 23 മുതൽ ഇത് വിപണിയിലെത്തും. വലുതും ബോൾഡ് ഡിസൈനും ഉള്ള പരുക്കൻ ബിൽഡ്, വലിയ ബോഡി, വലിയ ബാറ്ററി, എല്ലാ ആപ്പിളിനേക്കാൾ 2000 നിറ്റ്സ് വരെ തെളിച്ചമുള്ള റെറ്റിന ഡിസ്പ്ലേ എന്നിവയും ആപ്പിൾ വാച്ച് അൾട്രയിലുണ്ട്. 49mm ടൈറ്റാനിയം കെയ്സാണ്.
മെഡിക്കൽ അസിസ്റ്റൻസ്, ഇസിജി, എമർജൻസി എസ്ഒഎസ് തുടങ്ങി അതുഗ്രൻ ഫീച്ചറുകൾ വേറെയും ഫീച്ചറുകൾ ഇതിലുണ്ട്. പുതിയ ആപ്പിൾ വാച്ച് ഡസ്റ്റ് പ്രൂഫ്, സ്വിം പ്രൂഫ്, ക്രാക് പ്രൂഫാണ്. പുതിയ വാച്ച് ഫെയ്സുകൾ, മികച്ച നിലവാരം എന്നിവയും പുതിയ വാച്ചിന്റെ പ്രത്യേകതകളാണ്. പുതിയ ടെമ്പറേച്ചർ സെൻസർ, കൂടുതൽ അഡ്വാൻസ്ഡായ പിരീഡ് സൈക്കിൾ എന്നിവയും ഉൾപ്പെടുത്തിയിട്ടുണ്ട്.
