ഗോവയില് രാഷ്ട്രീയ സദാചാരത്തിൻ്റെ അവസാന കല്ലും പിഴുത് എംഎല്എമാര് കൂട്ടത്തോടെ ബിജെപിയിലേക്ക്. പ്രതിപക്ഷ നേതാവ് ഉള്പ്പടെ എട്ട് എംഎല്എമാരാണ് ബിജെപിയില് ചേരുന്നത്.
പ്രതിപക്ഷ നേതാവ് മൈക്കിള് ലോബോ എംഎല്എമാരുടെ യോഗം ചേര്ന്ന് കോണ്ഗ്രസ് നിയമസഭാ കക്ഷിയെ പൂർണ്ണമായും ബിജെപിയില് ലയിപ്പിക്കാന് തീരുമാനിക്കയായിരുന്നു. മുന് മുഖ്യമന്ത്രി ദിഗംബര് കാമത്ത് അടക്കമാണ് ബിജെപിയില് ചേരുന്നത്.
ബിജെപി സംസ്ഥാന അധ്യക്ഷന് സദാനന്ദ് ഷേത് തനവാഡെയാണ് കൂടുമാറ്റം അറിയിച്ചത്.
ഗോവയില് കോണ്ഗ്രസിന് ആകെ 11 എംഎല്എമാരാണ്. രാഹുല് ഗാന്ധിയുടെ നേതൃത്വത്തില് ഭാരത് ജോഡോ യാത്ര നടത്തുന്ന വേളയിലാണ് കോണ്ഗ്രസിന് ശേഷിച്ച എം എൽ എ മാരെയം നഷ്ടമാവുന്നത്.
നേരത്തെയും ഗോവയില് കോണ്ഗ്രസ് എംഎല്എമാര് കൂട്ടത്തോടെ ബിജെപിയിലേക്ക് ചെക്കേറിയിരുന്നു. നിയമസഭാ തിരഞ്ഞെടുപ്പിന് മുന്നോടിയായി സ്ഥാനാര്ഥികളെ കൊണ്ടും തിരഞ്ഞെടുക്കപ്പെട്ട ശേഷം എംഎല്എമാരെയും ആരാധനാലയങ്ങളില് എത്തിച്ച് സത്യം ചെയ്യിപ്പിച്ചിരുന്നു.
