വിളിക്കാനും സന്ദേശം അയക്കാനും സൗകര്യം നല്കുന്ന വാട്ട്സാപ്പ്, സൂം, സ്കൈപ് പോലുള്ള ആപ്ലിക്കേഷനുകള്ക്ക് രാജ്യത്ത് പ്രവര്ത്തിക്കാന് ലൈസന്സ് നിര്ബന്ധമാക്കാന് ഒരുങ്ങി കേന്ദ്രസര്ക്കാര്. ഇക്കാര്യങ്ങള് വ്യവസ്ഥചെയ്യുന്ന ടെലികമ്യൂണിക്കേഷന് ബില്ലിന്റെ കരട് ടെലികോം മന്ത്രാലയം അവതരിപ്പിച്ചു. കരട് ബില്ലില് ഒ.ടി.ടി. ആപ്പുകളെ ടെലികമ്യൂണിക്കേഷന് സേവനമായി ഉള്പ്പെടുത്തിയിട്ടുമുണ്ട്.
വാട്ട്സാപ്പ് ഉൾപ്പെടെ സംവിധാനങ്ങൾ ഉപയോഗിച്ച് കാൾ ചെയ്യുന്നത് നിലവിലെ സെല്ലുലാർ നെറ്റ് വർക്ക് സേവന കമ്പനികൾക്ക് ഭീഷണിയാണ്. നെറ്റ് വർക്ക് ഇല്ലാത്ത ഇൻ്റർനെറ്റ് കണക്ക്ഷനുള്ളവർ വാട്ട്സാപ്പ് പോലുള്ള സൌകര്യങ്ങളാണ് പ്രയോജനപ്പെടുത്തുന്നത്.
ടെലികമ്യൂണിക്കേഷന് സേവനവും ടെലികമ്യൂണിക്കേഷന് നെറ്റ്വര്ക്കും ലഭ്യമാക്കാന്, സ്ഥാപനങ്ങള് ലൈസന്സ് കരസ്ഥമാക്കിയിരിക്കണമെന്നാണ് കരട് ബില്ലില് പറഞ്ഞിരിക്കുന്നത്. ടെലകോം, ഇന്റര്നെറ്റ് സേവനദാതാക്കള്ക്ക് ഫീസും പിഴയും ഒഴിവാക്കാനുള്ള വ്യവസ്ഥയും കരട് ബില്ലില് ഉള്പ്പെടുത്തിയിട്ടുണ്ട്.
ബില്ലിനുമേൽ ചർച്ച തുടങ്ങി
ഇന്ത്യന് ടെലികോം ബില് 2022-നെ കുറിച്ചുള്ള നിങ്ങളുടെ കാഴ്ചപ്പാട് തേടുന്നു എന്ന കുറിപ്പോടെ കേന്ദ്ര ടെലികോം മന്ത്രി അശ്വനി വൈഷ്ണവ് കരട് ബില്ലിന്റെ ലിങ്ക് സാമൂഹികമാധ്യമത്തിലൂടെ പങ്കുവെച്ചു. കരട് ബില്ലിന്മേല് പൊതുജനങ്ങള്ക്ക് അഭിപ്രായം അറിയിക്കാനുള്ള അവസാനതീയതി ഒക്ടോബര് ഇരുപതാണ്.
