പ്രവാസി വ്യാപാരിയും സിനിമാ ചലച്ചിത്ര രംഗങ്ങളിൽ സജീവ സാന്നിധ്യവുമായിരുന്ന അറ്റ്ലസ് രാമചന്ദ്രന് (80) അന്തരിച്ചു. വാര്ധക്യസഹജമായ അസുഖങ്ങളാൽ ദുബായ് ആസ്റ്റര് മന്ഖൂള് ആശുപത്രിയില് ചികിത്സയിലായിരുന്നു. ഞായറാഴ്ച രാത്രിയോടെയായിരുന്നു മരണം. ഹൃദയാഘാതമാണ് മരണകാരണം.അന്ത്യകർമ്മങ്ങൾ തിങ്കളാഴ്ച വൈകീട്ട് ദുബായിൽ നടത്തും.
ഭാര്യ ഇന്ദിരാ രാമചന്ദ്രനും, മകള് ഡോ.മഞ്ജു രാമചന്ദ്രനും ഒപ്പമുണ്ടായിരുന്നു.
വര്ഷങ്ങളായി കുടുംബത്തോടൊപ്പം ദുബായിലായിരുന്നു താമസം.1942 ജൂലൈ 31ന് തൃശൂരില് വി. കമലാകര മേനോന്റെയും എം.എം. രുഗ്മിണി അമ്മയുടെയും മകനായാണ് ജനനം. അറ്റ്ലസ് ജൂവല്ലറിയുടെ സ്ഥാപകനായ രാമചന്ദ്രന് ഒട്ടേറെ സിനിമകള് നിര്മിക്കുകയും അഭിനയിക്കുകയും ചെയ്തിട്ടുണ്ട്. സംവിധായകന്, വിതരണക്കാരന് എന്നീ നിലകളിലും സിനിമ മേഖലയില് സജീവമായിരുന്നു.
13 സിനിമകളില് അഭിനയിച്ചു. ഒരെണ്ണം സംവിധാനം ചെയ്തു. ഇന്നലെ, കൗരവര്, വെങ്കലും തുടങ്ങിയവയുടെ വിതരണവും ഇദ്ദേഹത്തിനായിരുന്നു.
അറ്റ്ലസ് ഗ്രൂപ്പ് ഓഫ് ജ്വല്ലറിയുടെ ചെയര്മാനായിരുന്നു അദ്ദേഹം. 2015ല് സാമ്പത്തിക ഇടപാടിലെ ക്രമക്കേടുമായി ബന്ധപ്പെട്ട് അദ്ദേഹത്തെ ദുബായ് പോലീസ് കസ്റ്റഡിയിലെടുത്തിരുന്നു. 2018 ലാണ് പുറത്തിറങ്ങിയത്. കേന്ദ്ര സര്ക്കാരിന്റെയും മറ്റ് പ്രവാസി സംഘടനകളുടേയും ഇടപെടലോടെയാണ് ജയില്മോചിതനായത്.
ബാങ്ക് ഓഫ് ബറോഡയടക്കം 23 ബാങ്കുകളാണ് അറ്റ്ലസ് രാമചന്ദ്രനെതിരേ കേസ് നല്കിയത്. നല്കിയ വായ്പകള് മുടങ്ങിയതിന്റെ അടിസ്ഥാനത്തിലാണ് ബാങ്കുകള് കൂട്ടമായി കേസ് നല്കിയത്. കൂടെ മകള് മഞ്ജുവും മരുമകന് അരുണിനും കോടതി ജയില് ശിക്ഷ വിധിച്ചിരുന്നു.
കേസ് അവസാനിക്കാത്തതിനാല് യു.എ.ഇ വിട്ട് പോകാന് കഴിയാത്ത അവസ്ഥയിലായിരുന്നു.
അറ്റ്ലസ് വീണ്ടും തുറക്കാനുള്ള ശ്രമങ്ങള് നടത്തുന്നതിനിടെയാണ് മരണം. ദുബായ് ഷോപ്പിങ് ഫെസ്റ്റിവലിലെ ഗോള്ഡ് പ്രമോഷന് കമ്മിറ്റിയുടെ ആദ്യ ചെയര്മാനായിരുന്നു. ഫിലിം മാഗസിനായ ചലച്ചിത്രത്തിന്റെ എഡിറ്ററായിരുന്നു. മലയാളം ഫിലിം പ്രൊഡ്യൂസേഴ്സ് അസോസിയേഷന്റെ വൈസ് പ്രസിഡന്റായും പ്രവര്ത്തിച്ചു.
