കേരളത്തില് നിന്നുളള ആരോഗ്യ പ്രവര്ത്തകര്ക്ക് യുകെയിലേയ്ക്ക് തൊഴില് കുടിയേറ്റം സാധ്യമാക്കുന്നതിനായി കേരള സര്ക്കാറും യുകെയും തമ്മിൽ നാളെ ധാരണാപത്രം തയാറാവുന്നു. 3000 അധികം പേർക്ക് ഇതുവഴി യു കെയിൽ അവസരം ലഭിക്കും എന്നാണ് കണക്കാക്കുന്നത്. മെഡിക്കൽ പാരാമെഡിക്കൽ അവസരങ്ങളാണ് ഒരുങ്ങുന്നത്.
കേരള സര്ക്കാറിനു വേണ്ടി നോര്ക്ക റൂട്ട്സും യുകെയില് എന്.എച്ച്.എസ്സ് സേവനങ്ങള് ലഭ്യമാക്കുന്ന ഇന്റഗ്രറ്റഡ് കെയര് ബോര്ഡുകളായ The Navigo & Humber and North Yorkshire Health & Care Partnership ഉം തമ്മില് നടത്തിയ ചര്ച്ചകള്ക്കൊടുവിലാണ് തീരുമാനം.
മുഖ്യമന്ത്രി പിണറായി വിജയന്, നേര്ക്ക റൂട്ട്സ് റസിഡന്റ് വൈസ് ചെയര്മാന് പി ശ്രീരാമകൃഷ്ണന് എന്നിവർ ഇതു സംബന്ധിച്ച് ലണ്ടനില് ധാരണാപത്രം ഒപ്പിടും. സുരക്ഷിതവും, സുതാര്യവും നിയമപരവുമായ മാര്ഗ്ഗങ്ങളിലൂടെ ഡോക്ടര്മാര്, സ്സുമാര്, പാരാമെഡിക്കല് സ്റ്റാഫ് എന്നീ ആരോഗ്യപ്രവര്ത്തകര്ക്ക് സുഗമമായ കുടിയേറ്റം സാധ്യമാക്കുകയാണ് പദ്ധതിയുടെ ലക്ഷ്യം.
നടപടികള് പൂര്ത്തിയായ ശേഷം നവംബറില് ഒരാഴ്ചയോളം നീളുന്ന യു.കെ എംപ്ലോയ്മെന്റ് ഫെസ്റ്റ് സംഘടിപ്പിക്കാനും ഉദ്ദേശിക്കുന്നുണ്ട്. ആദ്യഘട്ടത്തില് ആരോഗ്യമേഖലയിലെ വിവിധ പ്രൊഫഷണലുകള്ക്കായി 3000 ലധികം ഒഴിവുകളിലേയ്ക്കാണ് ഇതുവഴി തൊഴില് സാധ്യത തെളിയുന്നത്.
