ബിസിസിഐ പ്രസിഡൻ്റ് സ്ഥാനത്തുനിന്ന് സൗരവ് ഗാംഗുലി മാറിയേക്കും. പകരം ഇന്ത്യ മുൻ താരം റോജർ ബിന്നി പ്രസിഡൻ്റ് സ്ഥാനത്തെത്തുമെന്നാണ് വാർത്തകൾ. ഗാംഗുലി രാജ്യാന്തര ക്രിക്കറ്റ് കൗൺസിൽ ചെയർമാൻ ആവാനുള്ള സാധ്യത പരിഗണിച്ചാണ് മാറ്റം.
ജയ് ഷാ ബിസിസിഐ ജനറൽ സെക്രട്ടറിയായി തുടരും. ഈ മാസം 18നു നടക്കുന്ന വാർഷിക സമ്മേളനത്തിൽ പുതിയ ഭാരവാഹികളെ തെരഞ്ഞെടുക്കും.
നിലവിൽ കർണാടക സംസ്ഥാന ക്രിക്കറ്റ് അസോസിയേഷൻ അധ്യക്ഷനായ റോജർ ബിന്നി ഇന്ത്യയുടെ മുൻ ഓൾറൗണ്ടർ സ്റ്റുവർട്ട് ബിന്നിയുടെ പിതാവാണ്. ബിസിസിഐ സെലക്ഷൻ കമ്മറ്റി അംഗമായും റോജർ ബിന്നി പ്രവർത്തിച്ചിട്ടുണ്ട്.
