പയ്യോളിയിൽ ട്രെയിൻ തട്ടിമരിച്ചത് മോഡൽ പോളി വിദ്യാർഥിനി ദീപ്തിയാണെന്ന് തിരിച്ചറിഞ്ഞു. പയ്യോളി ബീച്ചിൽ കറുവക്കണ്ടി പവിത്രൻ്റെ മകൾ ദീപ്തി (20) ആണ് മരിച്ചത്. ഇന്നു രാവിലെ 8 മണിയോടെ കോഴിക്കോട് ഭാഗത്തേക്ക് പോവുകയായിരുന്ന ട്രെയിനിടിച്ചാണ് അപകടം.
മൃതദേഹം ചിന്നി ചിതറിയ നിലയിലായുന്നു. ഇതുകാരണം തിരിച്ചറിയാൻ കഴിഞ്ഞില്ല. അടുത്തുണ്ടായിരുന്ന മൊബൈൽ ഫോൺ പരിശോധിച്ചാണ് ദീപ്തിയാണെന്ന് പൊലീസ് ഉറപ്പിച്ചത്.
പയ്യോളി കൃസ്ത്യൻ പള്ളി റോഡിന് പിറകു വശത്ത് റെയിൽപാളത്തിലാണ് സംഭവം. തിരിച്ചറിയാൻ കഴിയാത്ത വിധം മൃതദേഹം ചിന്നിച്ചിതറിയിരുന്നു. സമീപത്ത് നിന്നും ലഭിച്ച ഫോൺ അടിസ്ഥാനമാക്കി നടത്തിയ അന്വേഷണത്തിലാണ് മരിച്ചയാളെ തിരിച്ചറിഞ്ഞത്.
വടകര മോഡൽ പോളി വിദ്യാർഥിനിയാണ്. ദീപക് സഹോദരനാണ്.
മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
