മയക്കുമരുന്ന് കടത്തുന്നതിനിടെ കൈക്കുഞ്ഞുമായി ദമ്പതികള് അറസ്റ്റില്. കാസര്കോട് പള്ളത്ത് സ്വദേശി ടി.എച്ച് റിയാസും ഭാര്യ കൂത്തുപറമ്പ് തോലമ്പ്ര സ്വദേശി സുമയ്യയുമാണ് എംഡിഎംഎയുമായി പിടിയിലായത്.
ഒരുവയസ്സുള്ള കുട്ടിയുമായി കാറിലാണ് ഇവര് എംഡിഎംഎ കടത്തിയത്. വെള്ളിയാഴ്ച രാത്രി നീലേശ്വരം കോട്ടപ്പുറത്തുവെച്ച് പോലീസ് കൈ കാണിച്ചിട്ടും നിർത്താതെ പോയ കാറിലാണ് മയക്കുമരുന്ന് കണ്ടെത്തിയത്. വാഹനത്തെ പിന്തുടര്ന്ന് പിടികൂടി പരിശോധിച്ചപ്പോഴാണ് കാറിനുള്ളില് ഒളിപ്പിച്ചിരുന്ന എംഡിഎംഎ കണ്ടെത്തിയത്. 5.7 ഗ്രാം തൂക്കം വരുന്ന എം ഡി എം എ കണ്ടെടുത്തു.
ഭാര്യയേയും കുട്ടിയേയും ഒപ്പംകൂട്ടിയാണ് റിയാസ് മയക്കുമരുന്ന് കടത്തിയിരുന്നതെന്ന് പോലീസ് പറഞ്ഞു. കേരളത്തിന് പുറമേ മഹാരാഷ്ട്ര, ഗോവ, കര്ണാടക, തമിഴ്നാട് തുടങ്ങിയ സംസ്ഥാനങ്ങളിലെ വിവിധ സ്റ്റേഷനുകളിലായി വിവിധ കേസുളിലെ പ്രതിയാണ് റിയാസ് എന്നും പൊലീസ് പറഞ്ഞു.
