മലയാള സിനിമയിലും കൊറിയന് ഗാനം എത്തിയിരിക്കുകയാണ്. അനിഖ സുരേന്ദ്രന് നായികയാവുന്ന ഓഹ് മൈ ഡാര്ലിംഗ് എന്ന ചിത്രത്തിലാണ് കെ- പോപ്പ് ഗാനം എത്തിയിരിക്കുന്നത്. യുവ മനസുകളെ കീഴടക്കിയ കൊറിയൻ ദ്രുത താളങ്ങളും ചടുല നൃത്തവും ചേർത്ത് അതേ പതിപ്പിലാണ് അവതരണം.
ഗാനം ഇതിനോടകം സോഷ്യല് മീഡിയയില് സ്വീകരിക്കപ്പെട്ടു കഴിഞ്ഞു. ഗായിക ലിന്ഡ ക്യുറോ തന്നെയാണ് വരികൾ എഴുതിയതും പാടിയതും. ഷാന് റഹ്മാൻസംഗീത സംവിധാനം തകർത്തു. KPOP India Contest 2022 വിജയികളായ മിക്സഡ് അപ് ആണ് ‘ഡാര്ലിംഗ്’ സീനിൽ അനിഖയ്ക്കൊപ്പം ചുവട് വെക്കുന്നത്. http://www.kpopindia.com/
മിക്സഡപ്പ് തന്നെ മനോഹരമായി കൊറിയോഗ്രാഫി നിര്വഹിച്ചു. ഗ്രൂപ്പിലെ പ്രമുഖ താരങ്ങളായ ക്രിസ്, ഡയാന, സോയ, നാബി അനിഖയ്ക്കൊപ്പം എത്തിയത്.
ഫെബ്രുവരി 24 നാണ് ചിത്രം റിലീസ് ചെയ്യുന്നത്. ആഷ് ട്രീ വെഞ്ച്വേഴ്സിന്റെ ബാനറില് മനോജ് ശ്രീകണ്ഠയാണ് ചിത്രം നിര്മിക്കുന്നത്. നവാഗത സംവിധായകന് ആല്ഫ്രഡ് ഡി സാമുവല് സംവിധാനം ചെയ്യുന്ന ‘ഓ മൈ ഡാര്ലിംഗ്’ എന്ന ചിത്രത്തിന്റെ തിരക്കഥ രചിച്ചിരിക്കുന്നത് ജിനീഷ് കെ ജോയ് ആണ്.
മെല്വിന് ജി ബാബു, മുകേഷ്, ലെന, ജോണി ആന്റണി, മഞ്ജു പിള്ള, വിജയരാഘവന്, ശ്രീകാന്ത് മുരളി, നന്ദു, ഡെയ്ന് ഡേവിസ്, ഫുക്രു തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. അന്സാര് ഷായാണ് ചിത്രത്തിന്റെ ഛായാഗ്രഹണം നിര്വഹിക്കുന്നത്. വിനായക് ശശികുമാറിന്റെ വരികള്ക്ക് സംഗീത പകരുന്നത് ഷാന് റഹ്മാനാണ്. ലിജോ പോള് എഡിറ്റിംഗും എം ബാവ ആര്ട്ടും നിര്വഹിച്ചിരിക്കുന്നു. വിജീഷ് പിള്ളയാണ് ക്രിയേറ്റീവ് ഡയറക്ടര്.
