വയനാട്ടിൽ കിണറിൽ കടുവയെ ചത്ത നിലയിൽ കണ്ടെത്തി. പാപ്ലശ്ശേരി ചുങ്കത്ത് കളപ്പുരക്കൽ അഗസ്റ്റിന്റെ കിണറിലാണ് കടുവയുടെ ജഡം കണ്ടെത്തിയത്. വൈകീട്ട് അഞ്ച് മണിയോടെയാണ് സംഭവമറിയുന്നത്.മോട്ടറിൽ വെളളമെത്താത് പരിശോധിക്കാനെത്തിയ പ്രദേശവാസിയായ ബിജുവാണ് കടുവയുടെ ജഡം കണ്ടത്.
വനം വകുപ്പുദ്യോഗസ്ഥരെ വിവരമറിയിച്ചു. ഉടൻ തന്നെ വനം വകുപ്പുദ്യോഗസ്ഥർ സ്ഥലത്തെത്തി നടപടികൾ സ്വീകരിച്ചു.കിണറിൽ നിന്നും കടുവയുടെ ജഡം പുറത്തെടുത്തു. കടുവയുടെ ജഡത്തിന് രണ്ട് ദിവസം പഴക്കമുണ്ടെന്നാണ് പ്രാഥമിക നിഗമനം. സംഭവ സ്ഥലത്ത് വനം വകുപ്പുദ്യോഗസ്ഥർ അടക്കമുള്ളവർ പരിശോധന തുടരുകയാണ്.
