പ്രായപൂര്ത്തിയാകാത്ത ആണ്കുട്ടിയെ പീഡിപ്പിച്ച കേസില് മദ്രസ അധ്യാപകന് 67 വര്ഷം കഠിനതടവ്. ഒപ്പം 80,000 രൂപ പിഴയും ശിക്ഷ. ചെര്പ്പുളശ്ശേരി സ്വദേശി റഷീദി(49)നെയാണ് കുന്നംകുളം അതിവേഗ കോടതി ജഡ്ജി എസ്. ലിഷ ശിക്ഷിച്ചത്.
മതപഠനകേന്ദ്രങ്ങളിലും വിദ്യാലയങ്ങളിലും കുട്ടികളുടെ രക്ഷിതാക്കളായി പ്രവര്ത്തിക്കേണ്ടവരില്നിന്ന് ഇത്തരം പ്രവൃത്തികളുണ്ടാകുന്നത് സമൂഹ മനഃസാക്ഷിയെ ഞെട്ടിക്കുന്നതാണെന്നും ഇതിനെതിരെ കരുതൽ വേണമെന്നും വിധിന്യായത്തില് കോടതി അഭിപ്രായപ്പെട്ടു.
പരീക്ഷാ കാലത്ത് സംശയം ചോദിക്കാനെത്തിയ വിദ്യാര്ഥിയെ റഷീദ് മദ്രസയിലെ മുറിയില്വെച്ച് ലൈംഗികമായി പീഡിപ്പിക്കയായിരുന്നു. 2020 ഓഗസ്റ്റ് 25-നായിരുന്നു സംഭവം. പീഡനത്തിനിരയായ കുട്ടി മാതാപിതാക്കളോടാണ് ആദ്യം വിവരം വെളിപ്പെടുത്തിയത്. തുടര്ന്ന് മാതാപിതാക്കള് പാവറട്ടി പോലീസില് പരാതി നല്കി. വിചാരണയ്ക്കിടെ 20 സാക്ഷികളെ വിസ്തരിച്ചു. 30 രേഖകളും ഹാജരാക്കി.
