കേരളത്തിന് എടുക്കാവുന്ന വായ്പാ പരിധി വീണ്ടും വെട്ടിക്കുറച്ച കേന്ദ്ര സര്ക്കാര് നടപടിക്ക് എതിരെ ധന മന്ത്രി കെ എൻ ബാലഗോപാൽ. 8,000 കോടി രൂപയാണ് വെട്ടിക്കുറച്ചത്. ഇതോടെ സംസ്ഥാനത്തിന് ഈ വര്ഷം 15,390 കോടി രൂപ മാത്രമേ വായ്പ എടുക്കാന് സാധിക്കൂ.
നടപ്പു വര്ഷം 32442 കോടി രൂപയുടെ വായ്പ എടുക്കാനുള്ള അനുമതി സാമ്പത്തിക വര്ഷാരംഭത്തില് കേന്ദ്രം നല്കിയിരുന്നതാണ്. എന്നാല് 15390 കോടി രൂപയുടെ അനുമതി മാത്രമാണ് ഇപ്പോള് നല്കിയിരിക്കുന്നത്. കഴിഞ്ഞ വര്ഷത്തെ അപേക്ഷിച്ച് ഗ്രാന്റിനത്തില് 10000 കോടിയുടെ വെട്ടിക്കുറവ് ഈ വര്ഷം വരുത്തിയതിന് പുറമെയാണ് കടും വെട്ട്. ധനമന്ത്രി കെ.എന്.ബാലഗോപാല് പറഞ്ഞു.
സംസ്ഥാനത്തെ എല്ലാ വഴിയിലും ശ്വാസം മുട്ടിക്കുക എന്നതായി മാറിയിരിക്കുന്നു കേന്ദ്രത്തിന്റെ സമീപനം.
കുറച്ചുനാളുകളായി കേരളത്തിനുള്ള ഗ്രാന്റുകളും വായ്പകളും നിഷേധിക്കുകയും വെട്ടിക്കുറക്കുകയും ചെയ്തുകൊണ്ടിരിക്കുകയാണ്.
ഇത് കേരളത്തിലെ ജനങ്ങള്ക്കെതിരായുള്ള വെല്ലുവിളിയാണ്. സംസ്ഥാനത്തിന്റെ വികസന- ക്ഷേമ പ്രവര്ത്തനങ്ങള് തടസ്സപ്പെടുത്തുക എന്ന രാഷ്ട്രീയ ലക്ഷ്യവും ഇതിനു പിന്നിലുണ്ട്. ജനങ്ങളാകെ ഒരുമിച്ച് നിന്ന് ഈ തെറ്റായ നടപടിക്കെതിരെ ശബ്ദമുയര്ത്തേണ്ടതുണ്ട്. രാഷ്ട്രീയ ഭിന്നതകള് മാറ്റിവെച്ച് സംസ്ഥാനത്തിന്റെ ഉത്തമ താല്പര്യം സംരക്ഷിക്കാനായി എല്ലാവരും ഒരുമിച്ച് നിന്ന് പ്രതിഷേധിക്കേണ്ട സന്ദര്ഭമാണിതെന്നും ധനമന്ത്രി ഫെയ്സ്ബുക്കിലൂടെ വ്യക്തമാക്കി.
