ബക്രീദ്, ബുധനാഴ്ചയും വ്യാഴാഴ്ചയും അവധി

ബക്രീദ് പ്രമാണിച്ച് ജൂൺ 28, 29 ബുധൻ, വ്യാഴം ദിവസങ്ങളിൽ സംസ്ഥാനത്ത് പൊതു അവധി പ്രഖ്യാപിച്ചു. കേരളത്തിൽ വ്യാഴാഴ്ചയാണ് ബക്രീദ് ആഘോഷിക്കുന്നത്. ഇത് പരിഗണിച്ചാണ് പ്രഖ്യാപിച്ചിരുന്ന ബുധനാഴ്ചത്തെ അവധിക്കു പുറമെ വ്യാഴാഴ്ച കൂടി സർക്കാർ അവധി പ്രഖ്യാപിച്ചത്.

ബുധനാഴ്ചത്തെ അവധി വ്യാഴാഴ്ചയിലേക്ക് മാറ്റാനായിരുന്നു പൊതുഭരണ വകുപ്പിൽ നിന്നുള്ള ശുപാർശ. വിവിധ മുസ്ലിം സംഘടനകളുടെ ആവശ്യം പരിഗണിച്ചാണ് സർക്കാർ വ്യാഴാഴ്ചയും അവധി അനുവദിച്ചത്.