മരം കട പൊട്ടി ദേഹത്ത് വീണു, സ്കൂൾ വിട്ട് പുറത്തിറങ്ങിയ ആറാം ക്ലാസുകാരിക്ക് ദാരുണാന്ത്യം

കാസർകോട് പുത്തിഗെയില്‍ മരം കടപുഴകി വീണ് വിദ്യാര്‍ഥിനി മരിച്ചു. അംഗഡിമൊഗര്‍ ജി.എച്ച്.എസ്. സ്‌കൂളിലെ ആറാം ക്ലാസ് വിദ്യാര്‍ഥിനി ആയിഷത്ത് മിന്‍ഹ (11) ആണ് മരിച്ചത്. അംഗഡിമൊഗറിലെ ബി.എം. യൂസഫ്-ഫാത്തിമത്ത് സൈനബ ദമ്പതിമാരുടെ മകളാണ്.

തിങ്കളാഴ്ച വൈകിട്ടാണ് സംഭവം. സ്‌കൂളിന് സമീപത്താണ് അപകടം. വൈകുന്നേരം സ്കൂൾ വിട്ട് പുറത്തിറങ്ങിയതായിരുന്നു. ഉടനെ കുമ്പളത്തെ സഹകരണ ആശുപത്രിയിൽ എത്തിച്ചു എങ്കിലും ജീവൻ രക്ഷിക്കാനായില്ല. കൂടെയുണ്ടായിരുന്ന കുട്ടിക്ക് ചെറിയ പരുക്കേറ്റു.