എറണാകുളം, ആലപ്പുഴ, കാസര്‍കോട് ജില്ലകളിലെ സ്‌കൂളുകള്‍ക്ക് ചൊവ്വാഴ്ച അവധി പ്രഖ്യാപിച്ചു.
എറണാകുളം, ആലപ്പുഴ ജില്ലകളിലെ പ്രൊഫഷണല്‍ കോളേജുകള്‍ അടക്കം എല്ലാ വിദ്യാഭ്യാസ സ്ഥാപനങ്ങള്‍ക്കും കളക്ടര്‍മാര്‍ അവധി പ്രഖ്യാപിച്ചു. കാസര്‍കോട് ജില്ലയില്‍ കോളേജുകള്‍ ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കുമാണ് കളക്ടര്‍ അവധി പ്രഖ്യാപിച്ചിരിക്കുന്നത്.
കേരളത്തില്‍ രണ്ടുദിവസംകൂടി വ്യാപകമായ മഴ തുടരാന്‍ സാധ്യതയുണ്ട്. ഇടുക്കിയിലും കണ്ണൂരിലും ചൊവ്വാഴ്ച ചുവപ്പ് മുന്നറിയിപ്പ് നല്‍കി. കോഴിക്കോട് ജില്ലയില്‍ ബുധനാഴ്ച ചുവപ്പ് മുന്നറിയിപ്പാണ്.
ചൊവ്വാഴ്ച തിരുവനന്തപുരം, കൊല്ലം ജില്ലകളില്‍ മഞ്ഞ മുന്നറിയിപ്പും ഇടുക്കിയും കണ്ണൂരും ഒഴികെയുള്ള മറ്റു ജില്ലകളില്‍ ഓറഞ്ച് മുന്നറിയിപ്പും നല്‍കി. വ്യാഴാഴ്ചമുതല്‍ മഴ കുറയും എന്നാണ് അറിയിപ്പ്
