മഴ തുടരുന്ന സാഹചര്യത്തില് കാസർക്കോട് കണ്ണൂർ ജില്ലകളിലെ വിദ്യാലയങ്ങൾക്ക് നാളെ ബുധനാഴ്ചയും അവധി പ്രഖ്യാപിച്ചു. കാസർക്കോട് ജില്ലയിൽ സ്റ്റേറ്റ്, സി.ബി.എസ്.ഇ, ഐ.സി.എസ്.സി. സ്കൂളുകള്, കേന്ദ്രീയ വിദ്യാലയങ്ങള്, അംഗന്വാടികള്, മദ്രസകള് എന്നിവയ്ക്കാണ് കളക്ടര് അവധി പ്രഖ്യാപിച്ചത്. കോളേജുകള്ക്ക് അവധി ബാധകമല്ലെന്നും അറിയിച്ചു.
കണ്ണൂരിൽ എല്ലാ വിദ്യാഭ്യാസ സ്ഥാപനങ്ങൾക്കും
അതിതീവ്ര മഴയുടെ സാഹചര്യത്തില് കണ്ണൂര് ജില്ലയിൽ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസസ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. വിദ്യാര്ഥികളെ മഴക്കെടുതിയില്നിന്ന് അകറ്റിനിര്ത്താനുള്ള നിര്ദേശങ്ങള് നല്കാനും അവധി മൂലം നഷ്ടപ്പെടുന്ന പഠനസമയം ക്രമീകിരിക്കുന്നതിന് സ്ഥാപനമേധാവികള് നടപടികള് സ്വീകരിക്കേണ്ടതാണെന്നും കളക്ടര് അറിയിച്ചു.
ചൊവ്വാഴ്ച ഉച്ചയ്ക്ക് നല്കിയ മുന്നറിയിപ്പ് പ്രകാരം അതിതീവ്ര മഴയ്ക്കുള്ള റെഡ് അലേര്ട്ട് കേന്ദ്ര കാലാവസ്ഥാ വകുപ്പ് ജില്ലയ്ക്ക് നല്കിയിട്ടുണ്ട്. ബുധനാഴ്ചയും അതിശക്തമായ മഴ തുടരുമെന്നാണ് സൂചന. ഈ സാചര്യത്തിലാണ് മുന്കരുതല് എന്ന നിലയില് കളക്ടര് അവധി പ്രഖ്യാപിച്ചത്. അവധി മൂലം നഷ്ടപ്പെടുന്ന പഠനസമയം ക്രമീകരിക്കാന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണ്.
24 മണിക്കൂറില് 204.4 മില്ലീമീറ്ററില് കൂടുതല് മഴ ലഭിക്കുമെന്നാണ് അതിതീവ്രമായ മഴ എന്നതുകൊണ്ട് കാലാവസ്ഥ വകുപ്പ് അര്ഥമാക്കുന്നത്. ചൊവ്വ, ബുധന്, വ്യാഴം ദിവസങ്ങളില് വിവിധ ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.
