ഇന്ത്യൻ മെഡിക്കൽ അസോസിയേഷൻ കേരള ഘടകത്തിന് എതിരെ ജി.എസ്.ടി. ഇന്റലിജൻസ് നപടപടി തുങ്ങി. അംഗത്വത്തിന് പ്രത്യേകമായി പിരിച്ച ജി.എസ്.ടി. നികുതി പോലും അടച്ചില്ല. നടത്തുന്ന സ്ഥാപനങ്ങൾക്ക് ജി എസ് ടി റജിസ്ട്രേഷനും ഇല്ല.
18 ശതമാനം ജി.എസ്.ടി. അംഗങ്ങളിൽ നിന്ന് വാങ്ങിയതിന് തെളിവുണ്ട്. എന്നാൽ ജി.എസ്.ടി. രജിസ്ട്രേഷൻ എടുക്കുകയോ, നികുതി അടക്കുകയോ ചെയ്തിട്ടില്ല. ചാരിറ്റി റജിസ്ട്രേഷൻ്റെ മറവിലാണ് ജി എസ് ടി മറികടന്നത്.
ബാറും ഹോട്ടലും പക്ഷെ നികുതിയില്ല
ഐ.എം.എയുടെ കേരള ഘടകത്തിനെതിരെ കേന്ദ്ര ജി.എസ്.ടി. ഇന്റലിജൻസിന്റെ കോഴിക്കോട് യൂണിറ്റ് ഹൈക്കോടതിയിൽ സത്യവാങ്മൂലം സമർപ്പിച്ചിട്ടുണ്ട്. ചാരിറ്റി സംഘടനയാണ് എന്ന വാദത്തിന് എതിരായ നിലപാടാണ് ഇടപാടുകൾ ചൂണ്ടി കാട്ടി ജി എസ് ടി വകുപ്പ് ചോദ്യം ചെയ്തത്.
50 കോടിയോളം രൂപയാണ് നികുതിയിനത്തിൽ ഐ.എം.എ. നൽകേണ്ടത്. ഐ.എം.എ. നടത്തുന്ന മറ്റു ബിസിനസുകൾ ചാരിറ്റബിൾ ആക്ട് പ്രകാരം നികുതി ഇളവിന് അർഹമായിട്ടുള്ളത് അല്ല. ഐഎംഎ ഹോട്ടലും ബാർ ലൈസൻസും അതോടൊപ്പം തന്നെ മറ്റു പല ബിസിനസുകളും നടത്തുന്നുണ്ട്. ഇതൊക്കെ ജി.എസ്.ടിയുടെ പരിധിയിൽ വരുന്നതാണ്.
അംഗങ്ങളോട് നികുതി പിരിച്ചു
നികുതി നൽകണമെന്ന കാര്യം ഐഎംഎയ്ക്ക് തന്നെ അറിയാവുന്ന കാര്യമാണ്. അംഗത്വ ഫീസിന് ഇറക്കിയ. ബ്രോഷറിൽ 18 ശതമാനം ജി.എസ്.ടി. നൽകണമെന്ന കാര്യം കൃത്യമായി പറയുന്നുണ്ട്. എന്നാൽ ജി.എസ്.ടി. രജിസ്ട്രേഷൻ എടുക്കുകയോ നികുതി അടക്കുകയോ ഐഎംഎ ചെയ്തിട്ടില്ല. ഇത് നിയമവിരുദ്ധമായ നടപടിയെന്നാണ് ജിഎസ്.ടി ഇന്റലിജൻസ് കണ്ടെത്തിയിരിക്കുന്നത്.
ഇതുവരെ കണക്കാക്കിയ വരുമാനം അനുസരിച്ച് 50 കോടിയോളം രൂപയുടെ നികുതി കുടിശ്ശിക ഐഎംഎ വരുത്തിയിട്ടുണ്ട്. ഇത് ഐഎംഎ കേരള ഘടകം നികുതിയായി അടക്കണമെന്നാണ് ജി.എസ്.ടി. ഇന്റലിജൻസിന്റെ ആവശ്യം.
ഇതിനെതിരേയ ഐഎംഎ ഹൈക്കോടതിയിൽ ഹർജി നൽകിയിരിക്കയാണ്.
