അട്ടിമറിച്ച് അൽക്കാരസ്, വിംബിൾഡൺ സിംഗിൾസിൽ ജോക്കോവിച്ച് കീഴടങ്ങി

വിംബിള്‍ഡണ്‍ പുരുഷ സിംഗിള്‍സ് കിരീടം സ്‌പെയിനിന്റെ കാര്‍ലോസ് അല്‍ക്കാരസിന്. റെക്കോഡോടെ വിജയം ലക്ഷ്യമിട്ട നൊവാക് ജോക്കോവിച്ചിന് പിഴച്ചു. രണ്ടിനെതിരെ മൂന്ന് സെറ്റുകള്‍ക്കാണ് അല്‍ക്കാരസിന്റെ ജയം. സ്കോർ: 1-6, 7-6, 6-1, 3-6, 6-4.

ആ​ദ്യ സെ​റ്റ് അ​നാ​യാ​സം സ്വ​ന്ത​മാ​ക്കി​യ​ശേ​ഷ​മാ​ണ് ജോ​ക്കോ​വി​ച്ച് മ​ത്സ​രം അ​ടി​യ​റ​വ​ച്ച​ത്. ര​ണ്ടാം സെ​റ്റും മൂ​ന്നാം സെ​റ്റും അ​ൽ​ക്കാ​ര​സ് പി​ടി​ച്ചെ​ടു​ത്തു. നാ​ലാം സെ​റ്റ് സ്വ​ന്ത​മാ​ക്കി ജോ​ക്കോ ജീ​വ​ൻ കാ​ത്തു. നി​ർ​ണാ​യ​ക​മാ​യ അ​ഞ്ചാം സെ​റ്റി​ൽ ജോ​ക്കോ​യു​ടെ പ്ര​തീ​ക്ഷ​ക​ൾ ത​ക​ർ​ത്ത് അ​ൽ​ക്കാ​ര​സ് കി​രീ​ട​ത്തി​ൽ മു​ത്ത​മി​ട്ടു. ഇ​തോ​ടെ 24-ാം ഗ്രാ​ൻ​സ്ളാം കി​രീ​ട​മെ​ന്ന ജോ​ക്കോ​യു​ടെ സ്വ​പ്ന​വും ബാ​ക്കി​യാ​യി. ജോ​ക്കോ​യു​ടെ 35-ാം ഗ്രാ​ന്‍​സ്‌​ളാം ഫൈ​ന​ലാ​യി​രു​ന്നു ഇ​ത്.

ആദ്യം കീഴടങ്ങി, പിന്നെ പൊരുതി കയറി

ജോക്കോവിച്ചിന്റെ ആധിപത്യം കണ്ട സെറ്റില്‍ സ്പാനിഷ് യുവതാരം നിഷ്പ്രഭനായി. 6-1 നാണ് ജോക്കോ ആദ്യ സെറ്റ് സ്വന്തമാക്കിയത്. ജോക്കോ അനായാസം കിരീടം നേടുമെന്ന് തോന്നിപ്പിച്ചു. എന്നാല്‍ രണ്ടാം സെറ്റില്‍ അല്‍ക്കാരസ് കടുത്ത പോരാട്ടം കാഴ്ചവെച്ചു. ജോക്കോയ്ക്ക് മുന്നില്‍ പതറാതെ റാക്കറ്റേന്തിയ സ്പാനിഷ് താരം സെറ്റ് 6-6 ലെത്തിച്ചു. അതോടെ രണ്ടാം സെറ്റ് ടൈബ്രേക്കറിലേക്ക് നീണ്ടു. ടൈബ്രേക്കറിലും വാശിയേറിയ പോരാട്ടത്തിനാണ് സെന്റര്‍ കോര്‍ട്ട് സാക്ഷ്യം വഹിച്ചത്. ഒടുവില്‍ 8-6 ന് ടൈബ്രേക്കറില്‍ വിജയിച്ച് അല്‍ക്കാരസ് മത്സരത്തിലേക്ക് തിരിച്ചുവന്നു.

മൂന്നാം സെറ്റിലും അല്‍ക്കാരസ് കരുത്തോടെ റാക്കറ്റേന്തി. അതോടെ സെന്റര്‍ കോര്‍ട്ടില്‍ സെര്‍ബിയന്‍ സൂപ്പര്‍താരത്തിന് പിടിച്ചുനില്‍ക്കാനായില്ല. 6-1 എന്ന സ്‌കോറിന് തിരിച്ചടിച്ച് അല്‍ക്കാരസ് മത്സരത്തില്‍ മുന്നിട്ടുനിന്നു. എന്നാല്‍ ജോക്കോ വിട്ടുകൊടുക്കാന്‍ തയ്യാറായിരുന്നില്ല. നാലാം സെറ്റില്‍ പരിചയസമ്പത്തോടെ റാക്കറ്റേന്തിയ താരം 6-3 ന് സെറ്റ് സ്വന്തമാക്കി. കലാശപ്പോര് അവസാനസെറ്റിലേക്ക് നീണ്ടു. 6-4 നാണ് അവസാനസെറ്റ് അൽക്കാരസ് സ്വന്തമാക്കിയത്.

ഓഹ്…. ഇത് ചരിത്രം

അടുത്ത കാലത്ത് കണ്ട ഉജ്വലമായ ടെന്നീസ് മാച്ചായിരുന്നു. കണിശമായ നെറ്റ് ഡ്രോപ്സ്, മാരകമായ ക്രോസ് കോർട്ട് റിട്ടേൺസ്, ഉഗ്രൻ എയ്സുകൾ, മികച്ച ബാക്ക് ഷോട്ട്സ് .

അൽകാരിസ് എന്ന ഇരുപതുകാരൻ ലോക ടെന്നീസ് ചരിത്രത്തിലെ വലിയ പ്രതിഭകളിലൊരാളായ , 36 വയസുള്ള ജോക്കോവിച്ചിനെ നേരിട്ടത് പതർച്ചയില്ലാതെയാണ്.

2013-ലാണ് അവസാനം വിംബിൾഡൺ സെൻട്രൽ കോർട്ടിൽ ജോക്കോ തോറ്റത്. ആൻഡി മുറേയോട്.

10 വർഷത്തിനിടയിൽ ഫൈനലിൽ എത്തിയ എല്ലാ മാച്ചും ജോക്കോ ജയിച്ചു. മൂന്ന് തവണ ജോക്കോ തോൽപ്പിച്ചത് സാക്ഷാൽ റോജർ ഫെഡററെയാണ്. എന്നിട്ടും 24 ആം കിരീടം തട്ടിതെറിപ്പിക്കപ്പെട്ടു