റെയിൽവേ യാത്രക്കാർ ഏറ്റവും അധികം ആശ്രയിച്ചിരുന്ന ഐ ആർ സി ടി സി സൈറ്റ് പണിമുടക്കി. സാങ്കേതിക തകരാർ അണെന്നും പുനസ്ഥാപിക്കാനായുള്ള ശ്രമത്തിലാണെന്നും അധികൃതർ അറിയിച്ചു. ഉപയോക്താക്കള്ക്ക് സൈറ്റ് വഴിയും ആപ്പ് വഴിയും ടിക്കറ്റ് ബുക്ക് ചെയ്യാന് സാധിക്കുന്നില്ല.
ചൊവ്വാഴ്ച പത്തുമണിയോടെയാണ് ടിക്കറ്റ് സേവനത്തില് തകരാറുള്ളതായി ഐ.ആര്.സി.ടി.സി. അറിയിച്ചത്. രാവിലെ എട്ടുമണിയോടെ തന്നെ പലര്ക്കും ടിക്കറ്റ് ബുക്കിങ്ങില് സാങ്കേതിക പ്രശ്നം നേരിടുന്നതായി പരാതിയുണ്ടായിരുന്നു.
വട്ടം കറക്കുന്ന സൈറ്റ്, പുതുക്കിയപ്പോൾ പരസ്യങ്ങളുടെയും സാങ്കേതികതയുടെയും കുരുക്ക്
നേരത്തെ വളരെ എളുപ്പം ടിക്കറ്റ് ബുക്കിങും അനുബന്ധ സൌകര്യങ്ങളും ലഭിച്ചിരുന്ന സൈറ്റാണ് ഐ ആർ സി ടി സിയുടെത്. എന്നാൽ പിന്നീട് സൈറ്റ് പരിഷ്കരിച്ചു. പരസ്യങ്ങൾ ഉപയോഗിച്ചുള്ള കാപ്ച്ചയും വട്ടം കറക്കുന്ന സ്റ്റെപ്പുകളും കൂട്ടിച്ചേർത്തു. കാശ് മുൻകൂട്ടി പേ ചെയ്താൽ പിന്നീട് അക്കൌണ്ട് പുതുക്കാൻ ആവശ്യപ്പെടുന്ന രീതിയിലുള്ള പലവിധ ആശയ കുഴപ്പങ്ങൾ സൃഷ്ടിച്ചു. ഇതോടെ വലിയ തോതിൽ ഉപയോക്താക്കൾ വിട്ടു പോയി. ഇപ്പോൾ സൈറ്റ് തന്നെയും നിലച്ചിരിക്കയാണ്.
ടിക്കറ്റ് ബുക്കിങ്ങിനായി ആമസോണ്, മെയ്ക്ക് മൈട്രിപ്പ് പോലുള്ള സൈറ്റുകളേയും ആപ്പുകളേയും ആശ്രയിക്കാം. സാങ്കേതിക വിഭാഗം തകരാര് പരിശോധിച്ചുവരികയാണ്. സേവനം പുനഃസ്ഥാപിച്ചാല് ഉടന് അറിയിക്കാമെന്നും ഐ.ആര്.സി.ടി.സി. അറിയിച്ചു.
