മഴ പെയ്തില്ലെങ്കില് വൈദ്യുതി നിരക്ക് കൂട്ടേണ്ടിവരുമെന്ന് മന്ത്രി കെ. കൃഷ്ണന്കുട്ടി. ഡാമുകളില് വെള്ളമില്ലാത്ത സാഹചര്യത്തിലാണ് ജനങ്ങൾക്ക് വകുപ്പ് മന്ത്രിയുടെ മുന്നറിയിപ്പ്. നാളത്തെ വൈദ്യുതി ബോര്ഡ് യോഗത്തില് അന്തിമ തീരുമാനമുണ്ടാക്കാമെന്നും അദ്ദേഹം പറഞ്ഞു.
മഴ പെയ്താല് വൈദ്യുതിനിരക്ക് കൂട്ടേണ്ട ആവശ്യം വരില്ല. മഴയില്ലെങ്കില് വൈദ്യുതി നിരക്ക് കൂട്ടേണ്ടിവരും എന്നാണ് വിശദീകരണം. വാങ്ങുന്ന വിലയ്ക്കേ കൊടുക്കാന് പറ്റൂ. ഉപഭോക്താവിനെ കഴിയുന്നത്ര വിധത്തില് വിഷമിപ്പിക്കാതിരിക്കാനുള്ള നടപടിയാണ് സ്വീകരിക്കുകയെന്നും മന്ത്രി അവകാശപ്പെട്ടു. ഡാമുകളില് വെള്ളമില്ലാത്തതിനാല് അധിക വൈദ്യുതി പണംകൊടുത്ത് വാങ്ങേണ്ടിവരും. എത്ര രൂപകൊടുത്ത് വാങ്ങണമെന്ന കാര്യത്തില് ബുധനാഴ്ചത്തെ യോഗത്തില് തീരുമാനമുണ്ടാകും.
തുടര്ന്ന് സാഹചര്യം വിലയിരുത്തി വൈദ്യുതി റഗുലേറ്ററി കമ്മിഷന്റെയടക്കം തീരുമാനത്തിന്റെ അടിസ്ഥാനത്തിലായിരിക്കും വില കൂട്ടണോ എന്ന കാര്യത്തില് തീരുമാനമെടുക്കുക.
