രാജ്യത്തിന്റെ പേര് ഭാരതം എന്ന് മാറ്റുന്നതിൽ താല്പര്യമില്ലാത്തവര് രാജ്യം വിട്ടുപോകണമെന്ന് ബിജെപി നേതാവ്. പശ്ചിമബംഗാളിലെ മേദിനിപുരില് നിന്നുള്ള പാര്ലമെന്റംഗവും മുതിര്ന്ന ബിജെപി നേതാവുമായ ദിലീപ് ഘോഷാണ് പ്രസ്താവനയുമായി രംഗത്ത് എത്തിയത്. ബിജെപിയുടെ മുന് ദേശീയ ഉപാധ്യക്ഷന് കൂടിയാണ് ഘോഷ്.
. പശ്ചിമബംഗാളിൽ അധികാരത്തിൽ വന്നാൽ കൊല്ക്കത്തയില് സ്ഥാപിച്ചിട്ടുള്ള വിദേശികളുടെ പ്രതിമകള് നീക്കംചെയ്യുമെന്നും ദിലീപ് ഘോഷ് പറഞ്ഞു.
ഖരഗ്പുരില് ഞായറാഴ്ച നടന്ന ‘ചായ് പെ ചര്ച്ച’ എന്ന പരിപാടിയില് പങ്കെടുക്കവെയായിരുന്നു പ്രസ്താവന. “പശ്ചിമബംഗാളില് നമ്മുടെ പാര്ട്ടി അധികാരത്തില് വരുന്നതോടെ കൊല്ക്കത്തയില് സ്ഥാപിച്ചിട്ടുള്ള വിദേശികളുടെ എല്ലാ പ്രതിമകളും നീക്കംചെയ്യും. ഇന്ത്യയുടെ പേര് ഭാരതമെന്നാക്കി മാറ്റും. അക്കാര്യത്തില് താല്പര്യമില്ലാത്തവര്ക്ക് രാജ്യം വിട്ടുപോകാനുള്ള സ്വാതന്ത്ര്യമുണ്ട്”, ഘോഷ് പറഞ്ഞു.
