ഹിന്ദുത്വ രാഷ്ട്രീയം കേരളത്തിലും ക്ലച്ച് പിടിക്കുന്നുണ്ടെന്ന് സംസ്ഥാന ബിജെപി അധ്യക്ഷൻ കെ സുരേന്ദ്രൻ. ക്രൈസ്തഭ സഭ ബി.ജെ.പിയെ പിന്തുണക്കുമെന്നും കെ. സുരേന്ദ്രൻ പറഞ്ഞു. 24 ന്യൂസിന് നൽകിയ അഭിമുഖത്തിലാണ് അഭിപ്രായങ്ങൾ.
സുരേഷ് ഗോപിയുടെ നിയമനം താൻ അറിഞ്ഞത് കേന്ദ്ര മന്ത്രി ടാകൂറിൻ്റെ ട്വീറ്റിലൂടെയാണ്. സത്യജിത്ത് റായ് ഇൻസ്റ്റിറ്റ്യൂട്ട് അദ്ധ്യക്ഷന് സ്ഥാനാർത്ഥിയാകാൻ തടസമില്ല. സുരേഷ് ഗോപിക്ക് തന്നെ കുറിച്ച് ഒരു തരിമ്പ് പരാതി പോലുമില്ല. അദ്ദേഹം പറഞ്ഞു.
കേരളത്തിൽ ബിജെപിക്ക് വിചാരിച്ചത് പോലെ റിസൾട്ട് ഉണ്ടാകുന്നില്ല എന്നത് ശരിയാണ്. പ്രസിഡൻ്റ് സ്ഥാനം എന്ന് വേണമെങ്കിലും ഒഴിയും. ദേശീയ നേതൃത്വമാണ് അക്കാര്യങ്ങളെല്ലാം തീരുമാനിക്കുന്നത്. കേന്ദ്ര മന്ത്രിമോഹം തനിക്ക് ഇല്ല. റിസൾട്ട് ഇല്ലാത്ത സംസ്ഥാനത്തിന് ഇനി കേന്ദ്ര മന്ത്രി പദവി ലഭിക്കും എന്ന് പ്രതീക്ഷയും ഇല്ലെന്ന് സുരേന്ദ്രൻ പറഞ്ഞു.
