ന്യൂസ് ക്ലിക്കിന്റെ സ്ഥാപകനും എഡിറ്ററുമായ പ്രബീര് പുര്കയാസ്ഥ അറസ്റ്റില്. യു.എ.പി.എ പ്രയോഗിച്ചാണ് അറസ്റ്റ്. ന്യൂസ് ക്ലിക്ക് എച്ച്.ആര് തലവനായ അമിത് ചക്രവര്ത്തിയേയും പോലീസ് അറസ്റ്റ് ചെയ്തു.
കേസില് ചോദ്യംചെയ്യാനായി പ്രബീര് പുര്കയാസ്ഥയെ ഡല്ഹി പോലീസ് സ്പെഷ്യല് സെല് ഓഫീസിലേക്ക് വിളിപ്പിച്ചിരുന്നു. കേസുമായി ബന്ധപ്പെട്ട് ന്യൂസ് ക്ലിക്ക് ഓഫീസ് സീല് ചെയ്തു. മാധ്യമപ്രവര്ത്തകരുടെ വസതികളില് ചൊവ്വാഴ്ച റെയ്ഡും നടത്തി. ഇതിനുപിന്നാലെയാണ് അറസ്റ്റ്.
മാധ്യമ പ്രവർത്തകരുടെ പലരുടേയും ഫോണുകളും ലാപ്ടോപ്പുകളും പിടിച്ചെടുത്തതായാണ് വിവരം. രണ്ട് വർഷം മുൻപ് എന്ഫോഴ്സ്മെന്റ് ഡയറക്ടറേറ്റും ന്യൂസ് ക്ലിക്ക് പോര്ട്ടലിനെതിരെ കേസ് ഫയല് ചെയ്തിരുന്നു. പക്ഷെ വാർത്തകളിൽ അവർ ഒത്തു തീർപ്പിന് തയാറായില്ല എന്നാണ് റിപ്പോർട്ട്
