മാർപാപ്പയെയും വത്തിക്കാൻ സിനഡിനെയും തള്ളി കേരളാ കത്തോലിക്കാ മെത്രാൻ സമിതി. സ്വവർഗ വിവാഹം, ലിവിങ് ടുഗതർ, ഗർഭഛിദ്രം എന്നിവയിൽ ഏര്പ്പെടുന്നവരോട് യാതൊരു വിവേചനവും സ്വീകരിക്കേണ്ടതില്ല എന്ന വത്തിക്കാന് നിലപാടാണ് തള്ളിയത്.
ഡിസംബര് 4,5,6 തീയതികളിലായി പാലാരിവട്ടത്ത് ചേർന്ന സമ്മേളനത്തിലെ വാർത്താ കുറിപ്പിലാണ് നിലപാട് വ്യക്തമാക്കിയത്. ക്രൈസ്തവരുടെ പിന്നോക്കാവസ്ഥയെ കുറിച്ച് പഠിക്കാൻ നിയമിച്ച ജസ്റ്റിസ് ജെ.ബി. കോശി കമ്മീഷൻ റിപ്പോർട്ട് സർക്കാർ പുറത്തുവിടണമെന്നും സമ്മേളനം ആവശ്യപ്പെട്ടു.
സ്വവര്ഗ്ഗ വിവാഹം, ഗര്ഭഛിദ്രം, ലീവിങ് ടുഗതര് വഴിതെറ്റിക്കുന്ന വഴികൾ
സ്വവര്ഗ്ഗ വിവാഹം, ഗര്ഭഛിദ്രം, ലീവിങ് ടുഗതര് തുടങ്ങിയ ചിന്താഗതികള് പരമ്പരാഗത സാമൂഹിക ജീവിത ധാരകളെ കീഴ്മേല് മറിക്കുന്നതും ദൂരവ്യാപകമായ അരാജകത്വം സൃഷ്ടിക്കുന്നതുമാണെന്നും സമ്മേളനം വിലയിരുത്തി. ഇത്തരം ചിന്താധാരകളെ പ്രോത്സാഹിപ്പിക്കുന്ന സാഹിത്യ രചനകളും സിനിമ, നാടകം, സീരിയല് തുടങ്ങിയവപുതുതലമുറയെ വഴിതെറ്റിക്കുന്നവയാണെന്നും മെത്രാന് സമിതി കുറ്റപ്പെടുത്തി.
സഭാംഗങ്ങള് എന്ന നിലയിലും പൊതുസമൂഹത്തിന്റെ ഭാഗമെന്ന നിലയിലും അതിവേഗം മാറിവരുന്നസാമൂഹിക ജീവിതത്തില് രാഷ്ട്രീയ-സാമൂഹിക-സാംസ്കാരിക മേഖലകളില് ക്രൈസ്തവര് തഴയപ്പെടുന്നുണ്ടെന്ന യാഥാര്ഥ്യത്തെ ഗൗരവത്തോടെ കാണണമെന്ന് മെത്രാന്സമിതി വിലയിരുത്തി.
ക്രൈസ്തവ സമൂഹത്തിന്റെ പിന്നാക്കാവസ്ഥ പഠിക്കാന് നിയോഗിക്കപ്പെട്ട ജെ ബി കോശി കമ്മീഷന് സര്ക്കാരിന് സമര്പ്പിച്ച റിപ്പോര്ട്ട് മുഴുവനായിതന്നെ പരസ്യമാക്കണമെന്നും കമ്മീഷന് ചൂണ്ടിക്കാണിച്ചിട്ടുള്ള നിര്ദ്ദേശങ്ങള് സഭാവിഭാഗങ്ങളുമായി ചര്ച്ച ചെയ്യണമെന്നും കെ.സി.ബി.സി. ആവശ്യപ്പെട്ടു.
കേരളത്തിലെ ഭൂപരിഷ്കരണ നിയമങ്ങള് അനുസരിച്ച് 1970 നു മുമ്പ് കൈവശം വച്ച് കൃഷി ചെയ്തിരുന്ന കൃഷിഭൂമികള്ക്ക് ലഭിച്ചിരുന്ന ക്രയവിക്രയ സര്ട്ടിഫിക്കറ്റ് റദ്ദാക്കാനായി 2020 ല് പുറപ്പെടുവിച്ച ഓര്ഡിനന്സ് അടിയന്തരമായി റദ്ദ് ചെയ്ത് കര്ഷകരെ സഹായിക്കാന് തയ്യാറാകണമെന്ന് കെ.സി.ബി.സി. ആവശ്യപ്പെട്ടു. ഭൂപരിഷ്ക്കരണ നിയമത്തിലെ 72കെ വകുപ്പ് പ്രകാരം കര്ഷകരായ ഉടമകള്ക്ക് ലഭിച്ച പട്ടയസമാനമായ ക്രയസര്ട്ടിഫിക്കറ്റിനെ 2019 ല് സുപ്രീംകോടതി ഉടമസ്ഥാവകാശരേഖയായി അംഗീകരിച്ചിരുന്നു. ഇത് മറികടക്കാനായി 1971 ലെ വനം നിയമത്തിലെ മൂന്നാം വകുപ്പ് 50 വര്ഷത്തെ മുന്കാല പ്രാബല്യത്തോടെ ഭേദഗതി ചെയ്യാന് 2020 മേയില് സര്ക്കാര് ഓര്ഡിനന്സ് പുറപ്പെടുവിച്ചു. ഇതിന്റെ അടിസ്ഥാനത്തില് പതിനായിരക്കണക്കിന് കര്ഷകരെ അനധികൃത കുടിയേറ്റക്കാരായിക്കരുതി നടപടികള് എടുക്കുന്ന വനം വകുപ്പ് ഗുരുതരമായ കര്ഷക ദ്രോഹമാണ് നടത്തുന്നത്. ഈ ഓര്ഡിനന്സ് നിയമമാക്കാനുള്ള പരിശ്രമത്തില്നിന്ന് പിന്മാറണമെന്ന് സർക്കാരിനോട് അഭ്യര്ത്ഥിച്ചു.
