ലോക ബാഡ്മിന്റൺ ചാമ്പ്യൻഷിപ്പിൽ മലയാളി തിളക്കം. എച്ച് എസ് പ്രണോയ് സെമി ഫൈനലിൽ എത്തി. നിലവിലെ ലോക ചാമ്പ്യൻ ഡെൻമാർക്കിന്റെ വിക്ടർ അക്സെൽസനെയാണ് പ്രണോയ് പരാജയപ്പെടുത്തിയത്.
ആദ്യ സെറ്റ് അനായാസം കൈവിട്ടു എങ്കിലും ആത്മ വിശ്വാസവും കരുത്തും വീണ്ടെടുത്തായിരുന്നു പിന്നാലെ മുന്നേറ്റം. അടുത്ത രണ്ടു സെറ്റും ജയിച്ചു കയറി. ലോക ചാമ്പ്യൻഷിപ്പിൽ അവസാന നാലിലേക്ക് മാർച്ച് ചെയ്തു. സ്കോർ: സ്കോർ: 13-21, 21-15, 21-16
31 കാരൻ നൽകുന്ന പ്രതീക്ഷ
പ്രീ ക്വാര്ട്ടറില് സിംഗപ്പൂരിന്റെ മുന് ലോക ചാമ്പ്യന് ലോ കീന് യൂവിനെയാണ് പ്രണോയ് അട്ടിമറിച്ചത്. മൂന്ന് ഗെയിമുകള് നീണ്ട ഉശിരന് പോരാട്ടത്തില് 21-18, 15-21, 21-19 എന്ന സ്കോറിനായിരുന്നു പ്രണോയിയുടെ വിജയം.
അതേസമയം, പുരുഷ ഡബിള്സില് ഇന്ത്യയുടെ സ്വാതിക് സായ്രാജ് രെങ്കിറെഡ്ഡി- ചിരാഗ് ഷെട്ടി സഖ്യം ക്വാര്ട്ടര് ഫൈനലില് കടന്നു. എഡിഷനിലെ വെങ്കലം നേടിയ സഖ്യം ഇന്തോനേഷ്യയുടെ ലിയോ റോളി കര്ണാണ്ടോ- ഡാനിയല് മാര്ട്ടിന് സഖ്യത്തെ തോല്പ്പിച്ചാണ് മെഡല് പ്രതീക്ഷ സജീവമാക്കിയത്.
വനിതാ വിഭാഗത്തില് ഇന്ത്യയുടെ ട്രീസ ജോളി- ഗായത്രി ഗോപിചന്ദ് സഖ്യം ക്വാര്ട്ടര് കാണാതെ പുറത്തായി. പ്രീ ക്വാര്ട്ടറില് ചൈനയുടെ ലോക ഒന്നാം നമ്പര് താരങ്ങളായ ചെന് ക്വിംഗ് ചെന്- ജിയാ യി ഫാന് സഖ്യത്തോട് നേരിട്ടുള്ള ഗെയിമുകള്ക്കായിരുന്നു തോല്വി.
