ബിരുദാനന്തര ബിരുദ പൊതു പ്രവേശന പരീക്ഷ സിയുഇടി പിജി ഫലം ഇന്ന്, സെപ്റ്റംബർ 26 ന് പ്രഖ്യാപിക്കും. നാഷണൽ ടെസ്റ്റിംഗ് ഏജൻസി (NTA) നടത്തിയ പരീക്ഷയുടെ ഫലം വൈകുന്നേരം 4 മണിക്ക് പുറത്തിറക്കുമെന്ന് യുജിസി ചെയർമാൻ എം ജഗദേഷ് കുമാർ അറിയിച്ചു. പ്രസിദ്ധീകരിച്ചുകഴിഞ്ഞാൽ, ഉദ്യോഗാർത്ഥികൾക്ക് സിയുഇടി ഫലം cuet.nta.nic.in, ntaresults.nic.in എന്നിവയിൽ പരിശോധിക്കാം.
സെപ്റ്റംബർ 24 ന് സിയുഇടി പിജി യുടെ അന്തിമ ഉത്തരസൂചിക നാഷണൽ ടെസ്റ്റിംഗ് ഏജൻസി പ്രസിദ്ധീകരിച്ചു. പരീക്ഷയിൽ ചോദിച്ച നിരവധി ചോദ്യങ്ങൾ ഒഴിവാക്കിയിട്ടുണ്ട്. ഒഴിവാക്കിയ ചോദ്യങ്ങൾക്കുളള മാർക്ക് കുറയ്ക്കില്ല.
2022 ലാണ് ദേശീയ തലത്തിലുള്ള പ്രവേശന പരീക്ഷയായ കോമൺ യൂണിവേഴ്സിറ്റി എൻട്രൻസ് ടെസ്റ്റ് ആരംഭിച്ചത്. രാജ്യത്തുടനീളമുള്ള കേന്ദ്ര സർവ്വകലാശാലകളിലും മറ്റ് സർവ്വകലാശാലകളിലും പ്രവേശനം തേടുന്ന വിദ്യാർത്ഥികൾക്ക് ഏകജാലക സംവിധാനത്തിലുള്ള ഈ പരീക്ഷയിൽ പങ്കെടുക്കാം.
എല്ലാ കേന്ദ്ര സർവകലാശാലകളും ഈ വർഷം യുജി പ്രവേശനത്തിന് സിയുഇടി പരീക്ഷ ഫലമാണ് ഉപയോഗിക്കുന്നത്. സെപ്റ്റംബർ 12 നാണ് താത്ക്കാലിക ഉത്തര സൂചിക പുറത്തിറക്കിയത്. സെപ്റ്റംബർ 1 മുതൽ 11 വരെ യാണ് സി യു ഇ ടി പി ജി പരീക്ഷ നടത്തിയത്.
അന്തിമ ഉത്തര സൂചിക
CUET PG യുടെ ഔദ്യോഗിക സൈറ്റ് cuet.nta.nic.in സന്ദർശിക്കുക.
ഹോം പേജിൽ ലഭ്യമായ CUET PG ഫൈനൽ ആൻസർ കീ 2022 ലിങ്കിൽ ക്ലിക്ക് ചെയ്യുക.
