കേരളത്തിലെ സ്‌കൂള്‍ പാഠ്യപദ്ധതി പരിഷ്‌കരിക്കുമെന്ന് വിദ്യാഭ്യാസവകുപ്പ് മന്ത്രി വി.ശിവന്‍കുട്ടി. 1,3,5,7,9 ക്ലാസുകളിലെ പാഠപുസ്തകങ്ങള്‍ 2024 ജൂണെടെ മാറും.
2,4,6,8,10 ക്ലാസുകളിലെ പാഠപുസ്തകങ്ങള്‍ 2025 ജൂണിലും പരിഷ്‌കരിക്കും. 2025 ആവുന്നതോടെ സ്കൂൾ പാഠപുസ്തകങ്ങൾ എല്ലാം പുതിയതാവും.
അടുത്ത അധ്യയനവര്‍ഷം സ്‌കൂള്‍ തുറക്കുന്നതിന് രണ്ടാഴ്ച മുന്‍പ് കുട്ടികള്‍ക്ക് പുസ്തകം ലഭ്യമാക്കുമെന്നും മന്ത്രി അറിയിച്ചു. കേന്ദ്രം ഒഴുവാക്കിയ പാഠഭാഗങ്ങള്‍ കേരളം പ്രത്യേകം തയ്യാറാക്കുമെന്നും മന്ത്രി അറിയിച്ചു. കേരളത്തിലെ പാഠപുസ്തകളില്‍ നിന്ന് ഇന്ത്യ എന്ന പദം കളയില്ല. ദേശീയ വിദ്യാഭ്യാസ നയം അതേപടി കേരളത്തില്‍ നടപ്പാക്കില്ല, സംസ്ഥാനത്തിന് യോജിച്ചവിധമായിരിക്കും പരിഷ്കാരം എന്നും മന്ത്രി പറഞ്ഞു.
