വടക്ക് കിഴക്കന് ബംഗാള് ഉള്ക്കടലിൽ നിലനിൽക്കുന്ന ചക്രവാതചുഴി കേരളത്തിൽ അടുത്ത ദിവസങ്ങളിൽ മഴയ്ക്ക് കാരണമാവുമെന്ന് മുന്നറിയിപ്പ്.
സെപ്റ്റംബര് മൂന്നോടെ പടിഞ്ഞാറന് ബംഗാള് ഉള്ക്കടലില് പുതിയൊരു ചക്രവാതചുഴി രൂപപ്പെടാനുള്ള സാധ്യത കൂടി പരിഗണിച്ചാണ് ഒറ്റപ്പെട്ട കനത്ത മഴ പ്രവചിക്കുന്നത്. പുതുതായി രൂപപ്പെടുന്ന ചക്രവാതചുഴി തുടര്ന്നുള്ള 48 മണിക്കൂറില് ന്യൂനമര്ദമായി ശക്തി പ്രാപിക്കും.
സംസ്ഥാനത്ത് അടുത്ത അഞ്ച് ദിവസം മിതമായ രീതിയിലുള്ള മഴ തുടരാനാണ് സാധ്യത. സെപ്റ്റംബര് ഒന്നുമുതല് അഞ്ച് വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പും കേരള ദുരന്ത നിവാരണ അതോറിറ്റിയും അറിയിച്ചു.
