‘നിങ്ങള് ഗാസയില് ആരുടെയെങ്കിലും കുട്ടിയെ കൊന്നാല്, നിങ്ങള് കുറച്ച് ഹമാസ് അംഗങ്ങളെയെങ്കിലും സൃഷ്ടിച്ചുവെന്ന് നിസ്സംശയം പറയാം. ഇസ്രായേലിനെ പ്രകോപിക്കുകയായിരുന്നു ഹമാസിന്റെ ലക്ഷ്യം. ഇസ്രായേലിന് സാധിക്കുന്ന ഏറ്റവും അക്രമാസക്തമായ പ്രതികരണത്തിന് വേണ്ടി അവരെ പ്രകോപിപ്പിക്കാന് വേണ്ടിയാണ് ഹമാസ് അതി ക്രൂരമായ കാര്യങ്ങള് ചെയ്യുന്നത്. എന്നാല് അതിന് വിപരീതമായി തങ്ങള്ക്കാവുന്ന കാരുണ്യ പ്രവര്ത്തനങ്ങളാണ് ഇസ്രായേല് ചെയ്യേണ്ടിയിരുന്നത്. അതുവഴി മാത്രമേ ഹമാസിനെ പരാജയപ്പെടുത്താനാവൂ’, ഇലോൺ മസ്ക് പറഞ്ഞു.
11000 പലസ്തീനികളെ കൊന്നു തള്ളി, ഇതിൽ 4000 കുട്ടികളാണ്. ഹമാസിനെ ഓരോരുത്തരെയും ഇല്ലാതാക്കാം. പക്ഷെ ഈ കുട്ടികൾ ഇനി ഉറ്റവരിലൂടെയും സാഹോദര്യത്തിലൂടെയും ഹമാസിൻ്റെ കരുത്താവും. കരയാക്രമണവും ബോംബ് വർഷവും ഇതിനാണ് സഹായിക്കുക.
പോഡ്കാസ്റ്ററായ ലെക്സ് ഫ്രിഡ്മാന് നടത്തിയ അഭിമുഖത്തിലാണ് ശതകോടീശ്വര വ്യവസായി ഇലോണ് മസ്ക് മസ്കിന്റെ പ്രതികരണം. ഗാസയില് ഇസ്രായേല് നടത്തുന്ന ആക്രമണം കൂടുതല് ഹമാസ് അംഗങ്ങളെ സൃഷ്ടിക്കുകയാണെങ്കില് അവിടെ നടത്തുന്ന കൊലപാതങ്ങളിലൂടെ ഇസ്രായേലിന് വിജയം കാണാനാവില്ലെന്ന് മസ്ക് തുറന്നടിച്ചു. ഹമാസ് അവർ ഉദ്ദേശിച്ച ലക്ഷ്യത്തിൽ ആഗോള തലത്തിൽ വിജയിക്കയാണ് ചെയ്യുന്നത് എന്നും അദ്ദേഹം ചൂണ്ടികാട്ടി.
ഇസ്രായേല്-ഗാസ യുദ്ധം എങ്ങനെ അവസാനിക്കുമെന്നാണ് പ്രതീക്ഷിക്കുന്നത്? കാലങ്ങളായി ആ മേഖലയിലെ ജനങ്ങള് നേരിടുന്ന പ്രയാസങ്ങള് ലഘൂകരിക്കാന് എന്ത് മാര്ഗമാണ് താങ്കള് കാണുന്നത് എന്നായിരുന്നു ഇലോൺ നേരിട്ട ചോദ്യം.
ഇസ്രായേല് പ്രകടമായി തന്നെ ദയ കാണിക്കണമെന്നും മസ്ക് പറഞ്ഞു.
ഒരു കവിളത്തടിച്ചാല് മറുകവിള് കാണിച്ചുകൊടുക്കുന്ന തത്വശാസ്ത്രമാണോ പിന്തുടരുന്നത് എന്ന അവതാരകന്റെ മറുചോദ്യത്തിന്, ഇസ്രായേല് ഹമാസ് അംഗങ്ങളെ കണ്ടെത്തി വധിക്കുകയോ തടവിലാക്കുകയോ ചെയ്യണം. എന്നാല്, ഗാസയിലെ ദുരിതമനുഭവിക്കുന്നവര്ക്ക് ഇസ്രായേല് ആശുപത്രികള് നല്കുകയും ഭക്ഷണവും വെള്ളവും ഉറപ്പാക്കുകയും അവശ്യ മരുന്നുകള് എത്തിക്കുകയും ചെയ്യണമെന്നും മസ്ക് പറഞ്ഞു. അത് വളരെ സുതാര്യമായ രീതിയില് ചെയ്യണം. അതൊരു അടവായി ആളുകള്ക്ക് തോന്നരുത്. ഇസ്രായേല് പ്രകടമായി തന്നെ ദയ കാണിക്കണമെന്നും മസ്ക് പറഞ്ഞു.
ഇസ്രയേൽ യുദ്ധത്തിൽ ഹമാസിന് അംഗബലം നൽകുന്നു
‘കണ്ണിന് കണ്ണ്’ എന്ന നിലപാടിലാണ് ഇസ്രായേല് യഥാര്ത്ഥത്തില് വിശ്വസിക്കുന്നത്. എന്നാല്, അത് ഒരു വംശഹത്യയിലേക്കാണ് നീങ്ങുന്നത് എങ്കില് അത് അംഗീകരിക്കാന് ആര്ക്കും സാധിക്കില്ല. അത് ഇസ്രായേലിനെ ആളുകള് വെറുക്കുന്ന സ്ഥിതിയിലെത്തിക്കും.’
യഥാര്ഥ ചോദ്യം ഇതാണ്, നിങ്ങള് ഓരോ ഹമാസ് അംഗങ്ങളെ കൊല്ലുമ്പോഴും പകരം എത്ര പേരെയാണ് നിങ്ങള് സൃഷ്ടിക്കുന്നത്? നിങ്ങള് കൊല്ലുന്നതിനേക്കാള് കൂടുതല് പേരെ സൃഷ്ടിക്കുന്നുവെങ്കില് അത് വിജയമാകില്ല. ഗാസയില് ആരുടേയെങ്കിലും കുഞ്ഞിനെ നിങ്ങള് കൊന്നാല് ഒരു ഇസ്രായേലിയെ കൊല്ലാന് വേണ്ടി മാത്രം മരിക്കുന്ന ഏതാനും ഹമാസ് അംഗങ്ങളെയെങ്കിലും നിങ്ങള് സൃഷ്ടിച്ചിട്ടുണ്ടാവും.
മനുഷ്യകാരുണ്യ പ്രവർത്തക സംഘങ്ങൾക്ക് ഒപ്പം നിന്നു
യുദ്ധ സാഹചര്യത്തില് ഗാസയില് പ്രവര്ത്തിക്കുന്ന, അന്താരാഷ്ട്ര തലത്തില് അംഗീകരിച്ച സ്ഥാപനങ്ങള്ക്കുവേണ്ടി സ്റ്റാര്ലിങ്ക് ഉപഗ്രഹ ഇന്റര്നെറ്റ് സേവനം എത്തിക്കുമെന്ന് മസ്ക് പ്രഖ്യാപിച്ചിരുന്നു. ഇത് ഇസ്രായേലില് നിന്നുള്ള കടുത്ത എതിർപ്പിന് ഇടയാക്കി. സ്റ്റാർ ലിങ്കിന് വൈദ്യുതി ലഭിച്ചാൽ മാത്രമാണ് പ്രവർത്തിക്കാനാവുക. മാത്രമല്ല ഇസ്രയേൽ ഇതിന് അനുമതി നൽകുകയും ചെയ്തിട്ടില്ല. ഈ സാഹചര്യത്തിൽ ഉപഗ്രഹ ഇൻ്റർനെറ്റ് അവിടെ സാധ്യമായിരുന്നില്ല.
