തെരഞ്ഞെടുപ്പുകള് ഒന്നിച്ച് നടത്തുന്നതില് തടസമില്ലെന്ന് മുഖ്യ തെരഞ്ഞെടുപ്പ് കമ്മീഷന്. ഭരണഘടനയിലും, ജനപ്രാതിനിധ്യ നിയമത്തിലുമുള്ള നിര്ദ്ദേശങ്ങള് പാലിച്ച് തെരഞ്ഞെടുപ്പ് നടത്താനാകുമെന്ന് കമ്മീഷണര് രാജീവ് കുമാര് സർക്കാരിനെ പിന്തുണച്ചു. ഒരു രാജ്യം ഒരു തെരഞ്ഞെടുപ്പില് കമ്മീഷന്റെ നിലപാട് എന്താവുമെന്ന് കൌതുകമുണ്ടായിരുന്നു.
ഒരു രാജ്യം ഒരു തെരഞ്ഞടുപ്പിന്റെ നടത്തിപ്പില് പ്രത്യേക സമിതി രൂപീകരിച്ചിരുന്നു. ഇതിൽ പ്രായോഗിത മാത്രമാണ് മുന്നോട്ട് വെച്ചിരുന്നത്. തുല്യപ്രാധാന്യം നല്കിയത് തെരഞ്ഞെടുപ്പ് കമ്മീഷന്റെ നിലപാടിനായിരുന്നു. നിയമസഭ, ലോക്സഭ തെരഞ്ഞെടുപ്പുകള് ഒന്നിച്ച് നടത്തുന്നതില് തടസമില്ലെന്നാണ് കമ്മീഷന് ഇപ്പോള് വ്യക്തമാക്കുന്നത്. ഭരണഘടനയിലും, ജനപ്രാതിനിധ്യ നിയമത്തിലും വേണ്ട ഭേദഗതികള് പ്രത്യേക സമിതി പരിശോധിക്കുകയാണ്.
തെരഞ്ഞെടുപ്പുകള് ഒന്നിച്ച് നടത്തിയാല് ഭാരിച്ച പണച്ചലെവ് കുറയ്ക്കാനാകുമെന്നാണ് കമ്മീഷന് കാണുന്ന നേട്ടം. എന്നാൽ അത് ജനാധിപത്യത്തെ ദുർബലപ്പെടുത്തും എന്നാണ് എൻ ഡി എ ഇതര രാഷ്ട്രീയ പാർട്ടികളുടെ നിലപാട്.
തെരഞ്ഞെടുപ്പ് ഡ്യൂട്ടിക്കായി നിയോഗിക്കുന്ന ഉദ്യോഗസ്ഥരുടെ ജോലി ഭാരവും കുറയും. ഒന്നിച്ചുള്ള തെരഞ്ഞെടുപ്പില് കൂടുതല് വോട്ടര്മാര് അവരുടെ അവകാശം വിനിയോഗിക്കുമെന്നും അതുവഴി പോളിംഗ് ശതമാനം ഗണ്യമായി കൂട്ടാനാകുമെന്നും സർക്കാർ നിലപാട്.
അതേ സമയം പ്രതിപക്ഷ പാര്ട്ടികളുടെ നിലപാട് കൂടി കമ്മീഷന് തേടേണ്ടി വരും. പ്രധാന കക്ഷികളെല്ലാം ഒരു രാജ്യം ഒരു തെരഞ്ഞെടുപ്പിനെ എതിര്ക്കുകയാണ്. അതേ സമയം രാംനാഥ് കൊവിന്ദ് അധ്യക്ഷനായ സമിതി അടുത്തയാഴ്ച വീണ്ടും യോഗം ചേര്ന്നേക്കും. പ്രാഥമിക ചര്ച്ച നടന്ന ആദ്യ യോഗത്തില് 8 അംഗസമിതിയില് മുന് രാഷ്ട്രപതി രാംനാഥ് കോവിന്ദ് ഉള്പ്പടെ നാല് പേര് മാത്രമാണ് പങ്കെടുത്തത്.
