ഗവർണർ പദവിയിലെ കക്ഷി രാഷ്ട്രീയം വിവാദമാകുന്നതിനിടെ സുപ്രീം കോടതിയിൽ ചോദ്യം ചെയ്യപ്പെടും എന്നായതോടെ നിയമസഭയില്‍ അവതരിപ്പിക്കാനുള്ള രണ്ട് ബില്ലുകള്‍ക്ക് അംഗീകാരം നല്‍കി പഞ്ചാബ് ഗവര്‍ണര്‍. നേരത്തേ അംഗീകാരം നല്‍കാതെ പിടിച്ചുവച്ച ബില്ലുകള്‍ക്കാണ് ഗവര്‍ണര്‍ ബന്‍വാരിലാല്‍ പുരോഹിത് അംഗീകാരം നല്‍കിയത്. ബില്ലുകള്‍ ഗവര്‍ണര്‍ തടഞ്ഞുവച്ചതിനെതിരെ എ.എ.പി. സര്‍ക്കാര്‍ സുപ്രീം കോടതിയെ സമീപിച്ചതിന് പിന്നാലെയാണ് നടപടി.

ഒക്ടോബര്‍ 20, 21 തീയതികളിലെ പ്രത്യേക നിയമസഭാ സമ്മേളനത്തില്‍ അവതരിപ്പിക്കാനിരുന്ന മൂന്ന് ബില്ലുകളാണ് ഗവര്‍ണര്‍ തടഞ്ഞുവച്ചത്. ബില്ലുകള്‍ തികച്ചും നിയമവിരുദ്ധ’മാണ് എന്ന് പറഞ്ഞാണ് പുരോഹിത് ബില്ലുകള്‍ക്ക് അംഗീകാരം നല്‍കാതിരുന്നത്. ബില്ലുകള്‍ താന്‍ വിശദമായി പരിശോധിക്കുമെന്ന് പറഞ്ഞ് നേരത്തേ ഗവര്‍ണര്‍ മുഖ്യമന്ത്രി ഭഗവന്ത് മന്നിന് കത്തയച്ചിരുന്നു. പ്രതിപക്ഷ കക്ഷികൾ ഭരിക്കുന്ന സംസ്ഥാനങ്ങളിൽ മിക്കതിലും ഗവർണർ പദവി രാഷ്ട്രീയ ലക്ഷ്യത്തോടെയായി മാറുന്ന എന്ന പരാതി നിലനിൽക്കയാണ്. ഇതിനിടയിലാണ് എ എ പി സർക്കാർ സുപ്രീം കോടതിയിൽ എത്തിയത്.

ബില്ല് പിടിച്ച് വെച്ചതോടെ എ.എ.പി. സര്‍ക്കാര്‍ ഗവര്‍ണര്‍ക്കെതിരെ സുപ്രീം കോടതിയെ സമീപിക്കുകയായിരുന്നു. ഇതിന് പിന്നാലെയാണ് ഗവര്‍ണര്‍ മൂന്നില്‍ രണ്ട് ബില്ലുകള്‍ക്ക് അംഗീകാരം നല്‍കുന്നത്. ധന ബില്ലുകള്‍ സഭയില്‍ അവതരിപ്പിക്കാന്‍ ഗവര്‍ണറുടെ അനുമതി വേണമെന്ന പിടിവള്ളി ഉപയോഗിച്ചാണ് പുരോഹിത് ബില്ലുകള്‍ പിടിച്ചുവച്ചത്.

പഞ്ചാബ് ജി.എസ്.ടി. (ഭേദഗതി) ബില്‍ 2023, ഇന്ത്യന്‍ സ്റ്റാമ്പ് (പഞ്ചാബ് ഭേദഗതി) ബില്‍ 2023 എന്നീ ബില്ലുകള്‍ സഭയില്‍ അവതരിപ്പിക്കാനാണ് ഗവര്‍ണര്‍ ഇപ്പോള്‍ അംഗീകാരം നല്‍കിയത്. സംസ്ഥാനത്ത് ജി.എസ്.ടി. അപ്പ്‌ലെറ്റ് ട്രിബ്യൂണല്‍ രൂപവത്കരിക്കുന്നതിനും ഓണ്‍ലൈന്‍ ഗെയിമുകള്‍ക്ക് ജി.എസ്.ടി. ചുമത്തുന്നതിനുമായുള്ള ബില്ലാണ് ആദ്യത്തേത്. വസ്തുവകകള്‍ പണയപ്പെടുത്തുന്നതിന് സ്റ്റാമ്പ് ഡ്യൂട്ടി ഈടാക്കുന്നതിനുള്ള ബില്ലാണ് രണ്ടാമത്തെത്.

അതേസമയം മൂന്നാമത്തെ ബില്ലായ പഞ്ചാബ് ഫിസ്‌കല്‍ റെസ്‌പോണ്‍സിബിലിറ്റി ആന്‍ഡ് ബജറ്റ് മാനേജ്‌മെന്റ് (ഭേദഗതി) ബില്ലിന് അംഗീകാരം ലഭിച്ചിട്ടില്ല. ഈ വര്‍ഷം ഇത് രണ്ടാം തവണയാണ് ഗവര്‍ണര്‍ക്കെതിരെ പഞ്ചാബിലെ എ.എ.പി. സര്‍ക്കാര്‍ സുപ്രീം കോടതിയെ സമീപിക്കുന്നത്. നേരത്തേ മാര്‍ച്ചില്‍ ബജറ്റ് സമ്മേളനം വിളിക്കുന്നതിനുള്ള മന്ത്രിസഭാ തീരുമാനം തിരിച്ചയച്ചതിനെതിരെയാണ് സര്‍ക്കാര്‍ സുപ്രീം കോടതിയെ സമീപിച്ചത്.

നിയമസഭ പാസാക്കിയ സിഖ് ഗുരുദ്വാരാസ് ബില്‍, പഞ്ചാബ് യൂണിവേഴ്‌സിറ്റീസ് ലോ, പഞ്ചാബ് പോലീസ് ബില്‍, പഞ്ചാബ് അഫിലിയേറ്റഡ് കോളേജസ് ബില്‍ എന്നീ നാല് ബില്ലുകള്‍ക്ക് ഇതുവരെ ഗവര്‍ണറുടെ അംഗീകാരം ലഭിച്ചിട്ടില്ല. ജൂണില്‍ നടന്ന സമ്മേളനത്തില്‍ നിയമസഭ പാസാക്കിയ ബില്ലുകളാണ് ഇവ. നിയമവിരുദ്ധം എന്ന കാരണം തന്നെയാണ് ഈ ബില്ലുകള്‍ ഒപ്പിടാതിരിക്കാനും ഗവര്‍ണര്‍ പറഞ്ഞത്. പരമാവധി പഴുതുകൾ ഉള്ള ബില്ലുകൾ പിടിച്ചു വെക്കുക. ഏറ്റുമുട്ടുക എന്ന സമീപനമാണ് പ്രതിപക്ഷ സംസ്ഥാനങ്ങളിൽ കാണാനാവുന്നത്.

ബെംഗളൂരു നഗരത്തിൽ ഇറങ്ങിയ പുലിയെ അവസാനം ഗത്യന്തരമില്ലാതെ വെടിവെച്ച് കൊന്നു. വനംവകുപ്പ് ഉദ്യോഗസ്ഥർക്ക് പുലിയെ കുടുക്കാനായില്ല. ആക്രമണവും നേരിട്ടു. ഇതോടെ പ്രത്യേക അനുമതി എന്ന നിയമ ആനുകൂല്യം ഉപയോഗിച്ചാണ് പുലിയെ വെടിവെച്ചത്.

കുഡ്‌ലുഗേറ്റിന് സമീപത്ത് വെച്ചാണ് പുലിയെ പിടികൂടിയത്. മയക്കുവെടി വെക്കാന്‍ ശ്രമിക്കുന്നതിനിടെ പുലി വനംവകുപ്പ് ഉദ്യാഗസ്ഥർക്ക് നേരെ തിരിഞ്ഞു. പിന്നാലെ പുലിയെ വെടിവെക്കുകയായിരുന്നു. ജീവന് ഭീഷണിയുള്ള സാഹചര്യങ്ങളില്‍ വന്യമൃഗങ്ങളെ വെടിവെക്കാന്‍ വനംവകുപ്പ് മേധാവിക്ക് അനുമതി നല്‍കാം എന്ന ഉപാധിയാണ് പ്രയോജനപ്പെടുത്തിയത്.

നഗരത്തിൽ ജനവാസ കേന്ദ്രങ്ങളിലായിരുന്നു പുലിയുടെ കറക്കം. അപ്പാർട്മെൻ്റുകൾക്ക് അകത്ത് വരെ കടന്നെത്തി നാലു ദിവസം ഭീതി വിതച്ചു. നിസ്സഹായമായി വെടി വെച്ച് കൊല്ലുകയായിരുന്നു.

പുലിയുടെ സാന്നിധ്യം സ്ഥിരീകരിച്ച് നാലുദിവസം കഴിഞ്ഞാണ് വെടിവെച്ച് കൊല്ലേണ്ടി വന്നത്. ബൊമ്മനഹള്ളി, സിങസാന്ദ്ര തുടങ്ങിയ പ്രദേശങ്ങളില്‍ മയക്കുവെടിവെക്കാനുള്ള സംവിധാനങ്ങളുമായി വനംവകുപ്പ് പരിശോധനനടത്തിയെങ്കിലും പുലിയെ കണ്ടെത്താന്‍ കഴിഞ്ഞിരുന്നില്ല. പുലിയെ പിടികൂടാനായി മൈസൂരുവില്‍ നിന്നുള്ള വനംവകുപ്പിന്റെ ആറംഗ ദൗത്യസംഘവും നഗരത്തിലെത്തി. നാട്ടിലിറങ്ങുന്ന വന്യമൃഗങ്ങളെ പിടികൂടാന്‍ പ്രത്യേക പരിശീലനം ലഭിച്ചവരാണ് ഈ സംഘം.

തെര്‍മല്‍ ഇമേജിങ് ക്യാമറ ഘടിപ്പിച്ച ഡ്രോണുകളും ഉപയോഗിച്ചായിരുന്നു തിരച്ചില്‍. എ.ഇ.സി.എസ്. ലേഔട്ടിലെ 14 ഏക്കറോളമുള്ള ഒഴിഞ്ഞുകിടക്കുന്ന സ്വകാര്യഭൂമിയില്‍ കൂടും സ്ഥാപിച്ചിരുന്നു എന്നാൽ ശ്രമങ്ങൾ എല്ലാം നിസ്സഹായമായി.