സ്വാതന്ത്ര്യദിനം ആഘോഷിക്കുന്നതിനിടെ മധ്യപ്രദേശ് ആരോഗ്യമന്ത്രിയും നിയമസഭാ സ്പീക്കറും വേദിയിൽ കുഴഞ്ഞുവീണു. രണ്ട് വ്യത്യസ്ത പരിപാടികളിൽ ആണ് ഇരുവർക്കും ആരോഗ്യ പ്രശ്നം ഉണ്ടായത്.
ആരോഗ്യമന്ത്രി ഡോ.പ്രഭുറാം ചൗധരി മാർച്ച് പാസ്റ്റിനിടെ സല്യൂട്ട് സ്വീകരിക്കാൻ റെയ്‌സണിലെ ഒരു വേദിയിലിരിക്കെ കുഴഞ്ഞുവീണു.മൗഗഞ്ചിൽ പതാക ഉയർത്തുന്നതിനിടെയാണ് സ്പീക്കർ ഗിരീഷ് ഗൌതം കുഴഞ്ഞു വീണത്. (Madhya Pradesh Minister Collapses On Stage During Independence Day)
ആരോഗ്യ മന്ത്രിയെ സംഭവസ്ഥലത്തുണ്ടായിരുന്ന ഉദ്യോഗസ്ഥർ ഉടൻ തന്നെ റെയ്‌സണിലെ ജില്ലാ ആശുപത്രിയിലേക്ക് മാറ്റി.
മൗഗഞ്ചിൽ മധ്യപ്രദേശ് നിയമസഭാ സ്പീക്കർ ഗിരീഷ് ഗൗതം പതാക ഉയർത്തിയെങ്കിലും പൊതുജനങ്ങളെ അഭിസംബോധന ചെയ്യാൻ കഴിയാതെ വരികയായിരുന്നു. പ്രസംഗം തുടങ്ങിയപ്പോൾ തന്നെ അദ്ദേഹത്തിന്റെ ആരോഗ്യം പെട്ടെന്ന് വഷളായി. ഉടൻ ഡോക്ടർമാരെ വിളിച്ചുവരുത്തി ആശുപത്രിയിലേക്ക് മാറ്റി.
