കോൺഗ്രസ് നേതാവും, മുൻ പ്രധാനമന്ത്രിയുമായിരുന്ന ഡോ. മൻമോഹൻസിംഗിന്റെ നിര്യാണത്തിൽ ആർപ്പൂക്കര മണ്ഡലം കോൺഗ്രസ് കമ്മിറ്റി അനുശോചനം രേഖപ്പെടുത്തി. അദ്ദേഹം നാടിന് നൽകിയ അതുല്യ സേവനങ്ങൾ ലോകത്തിന് തന്നെ മാതൃകയാണ്. അദ്ദേഹത്തിന്റെ പാവനസ്മരണയ്ക്ക് മുന്നിൽ ആദരാഞ്ജലികൾ അർപ്പിച്ചുകൊണ്ട് കോൺഗ്രസ് ആർപ്പുക്കര മണ്ഡലം കമ്മിറ്റിയുടെ നേതൃത്വത്തിൽ പനമ്പാലം ജംഗ്ഷനിൽ സർവ്വകക്ഷിയോഗം നടത്തി.
ജനകീയ അടിത്തറയിൽ ഉറച്ചുനിന്നു, വരുംകാലത്തേക്കുള്ള വികസന കുതിപ്പുകൾക്കാണ് അദ്ദേഹത്തിന്റെ ഭരണകാലഘട്ടത്തിൽ വിവിധ പദ്ധതിയിലൂടെ ആവിഷ്കരിക്കപ്പെട്ടത് എന്ന് യോഗം അനുസ്മരിച്ചു.
മണ്ഡലം പ്രസിഡന്റ് ജോൺസൺ സി ജോസഫ് അധ്യക്ഷത വഹിച്ച യോഗത്തിൽ കെ ജെ സെബാസ്റ്റ്യൻ, പ്രിൻസ് ലൂക്കോസ്, കെ കെ ഹരിക്കുട്ടൻ, എസ് സുധാകരൻ നായർ, സുഗതകുമാർ പി ജി, സോബിൻ തെക്കേടം, പൊന്നപ്പൻ കരിപ്പുറം, ലൂക്കോസ് ഫിലിപ്പ്, ദീപ ജോസ്, ജസ്റ്റിൻ തോട്ടിൽ, ബീന രാജേന്ദ്രൻ, ബിജി സാബു, ശ്രീനാഥ് രഘു, ബബുലു ജോസഫ്, സുനു മരങ്ങാട്ട്, ടോമിച്ചൻ കാവക്കണ്ണിൽ തുടങ്ങിയവർ സംസാരിച്ചു.
