എല്ലാ വിഷയത്തിലും എ പ്ലസ് നേടിയ മിടുക്കനാണ് പ്രധാനമന്ത്രി നരേന്ദ്ര മോഡിയെന്ന് ബി.ജെ.പി. ദേശീയ ഉപാധ്യക്ഷന് എ.പി. അബ്ദുള്ളക്കുട്ടി. മോഡി സര്ക്കാരിന്റെ ഒന്പതാം വാര്ഷിക പരിപാടിയ്ക്കിടെ മാധ്യമങ്ങളോടു സംസാരിക്കുകയായിരുന്നു അദ്ദേഹം. കേരളത്തിലെ മൂന്നരക്കോടി ജനങ്ങളില് ഒരുകോടി ജനങ്ങള്ക്ക് നേരിട്ട് കേന്ദ്ര സർക്കാരിൻ്റെ എന്തെങ്കിലും ആനുകൂല്യം കിട്ടിയിട്ടുണ്ടെന്നും അബ്ദുള്ളക്കുട്ടി അവകാശപ്പെട്ടു.
മുഴുവൻ എ പ്ലസ്
അഴിമതിയ്ക്കെതിരേ മുഴുവന് എ പ്ലസും കിട്ടിയിട്ടുള്ള നേതാവാണ് മോഡി. ക്ഷേമപ്രവര്ത്തനങ്ങളിലെല്ലാം മുഴുവന് എ പ്ലസ് ആണ്. നരേന്ദ്ര മോദി ഡിജിറ്റല് മിഷനുമായി വന്നപ്പോള് കോണ്ഗ്രസ് നേതാവ് ചിദംബരം ചോദിച്ചത് എങ്ങനെയാണ് പാവപ്പെട്ടവര് മൊബൈല് ഫോണ് റീ ചാര്ജ് ചെയ്യുക, നമ്മുടെ ഇന്ത്യയിലെ ഗ്രാമങ്ങളില് വൈദ്യുതി ഇല്ലല്ലോ എന്നാണ്. 60 കൊല്ലം ഇന്ത്യ ഭരിച്ച കോണ്ഗ്രസാണ് വൈദ്യുതി ഇല്ലാത്ത ഗ്രാമങ്ങള് സൃഷ്ടിച്ചതെന്നും അബ്ദുള്ളക്കുട്ടി കൂട്ടിച്ചേര്ത്തു.
