മൊണ്ടാഷ് ഫിലിം സൊസൈറ്റി പയ്യോളി സംഘടിപ്പിക്കുന്ന കെ ജി ജോർജ് ചലച്ചിത്രമേള നാളെ ഓക്ടോബർ 22 ന് രാവിലെ 10.30 ന് ആരംഭിക്കും. കെ ജി ജോർജിൻ്റെ സിനിമകളുടെ വ്യത്യസ്ത കാഴ്ചാ തലങ്ങളിൽ നിന്നുള്ള മൂന്നു സിനിമകളാണ് പ്രദർശിപ്പിക്കുന്നത്. വൈകീട്ട് സിനിമാ സംവാദവും പ്രഭാഷണവും ഉണ്ട്.
ഷെഡ്യൂൾ
രാവിലെ 10. 20 ന് മറ്റൊരാൾ എന്ന ചിത്രം പ്രദർശിപ്പിക്കും. ഉച്ചയ്ക്ക് 1.50 ന് ഇരകൾ തുടർന്ന് വൈകുന്നേരം 4.15 ന് ഒപ്പൺ ഫോറം സംവിധായകൻ പ്രതാപ് ജോസഫ് ഉദ്ഘാടനം ചെയ്യും. സ്ത്രീ ജീവിാതവിഷ്കാരം കെ ജി ജോർജ് സിനിമകളിൽ എന്ന വിഷയത്തിൽ ഡോ.അനു പാപ്പച്ചൻ സംസാരിക്കും. സന്ധ്യയ്ക്ക് 6. 30 ന് ആദാമിൻ്റെ വാരിയെല്ല് എന്ന സിനിമ പ്രദർശിപ്പിക്കും.
പയ്യോളി പേരാമ്പ്ര റോഡിൽ പോസ്റ്റ് ഓഫീസിന് എതിർവശത്തുള്ള കെട്ടിടത്തിലെ അരങ്ങിൽ ശ്രീധരൻ ഓഡിറ്റോറിയത്തിലാണ് ചലച്ചിത്ര മേള നടക്കുന്നത്. പ്രവേശനം തത്സമയ റജിസ്ട്രേഷനിലൂടെ സൌജന്യമായിരിക്കുമെന്ന് ഫെസ്റ്റിവൽ ഡയറക്ടർ താരിഖ് പി അങ്ങാടി അറിയിച്ചു
പയ്യോളി കേന്ദ്രമായുള്ള മൊണ്ടാഷ് ഫിലിം സൊസൈറ്റി കേരളത്തിലെ തന്നെ ഫിലിം സൊസൈറ്റി പ്രസ്ഥാനത്തിൻ്റെ തുടക്കകാലം മുതൽ നിലവിലുള്ള ചലച്ചിത്ര കൂട്ടായ്മയാണ്. വിദേശ രാജ്യങ്ങളുടെ എമ്പസികൾ വഴിയും ഫിലിം ആർക്കൈവസ് വഴിയും സഹകരിച്ച് സിനിമാ റീലുകൾ നേരിട്ട് എത്തിച്ചാണ് അക്കാലത്തെ ലോകോത്തര സിനിമകൾ കാണാൻ അവസരം ഒരുക്കിയിരുന്നത്.
2019 ൽ സൊസൈറ്റി സംഘടിപ്പിച്ച രണ്ട് ദിവസത്തെ ചലച്ചിത്ര മേള ജനപങ്കാളിത്തം കൊണ്ട് ശ്രദ്ധേയമായിരുന്നു.
സൊസൈററിയിൽ പങ്കാളിയാകാവുന്നത് മെമ്പർഷിപ്പ് ചേർത്തിട്ടാണ്. എന്നാൽ സിനിമകളുടെ പ്രദർശനം സൌജന്യമായാണ് നടത്തുന്നത് എന്ന പ്രത്യേകതയുണ്ട്. ഓരോ മാസവും ലോക നിലവാരത്തിലുള്ള ഒരു ചലച്ചിത്രം കാണാം എന്നതാണ് സൌകര്യം. പ്രത്യേകാവസരങ്ങളിൽ പ്രഭാഷണങ്ങളും മേളകളും സംഘടിപ്പിക്കയും ചെയ്യുന്നുണ്ട്.
