ചന്ദ്രയാൻ റോവർ അഭിമാന നേട്ടം കൈ വരിച്ച് ചന്ദ്രന്റെ ഉപരിതലത്തിൽ ഇറങ്ങിയപ്പോൾ പത്ര മാധ്യമങ്ങൾ നൽകിയ പടങ്ങൾ മിക്കതും പകുതി ഭാവനാ സൃഷ്ടിയായിരുന്നു. പതാക പറപ്പിച്ച് നിൽക്കുന്ന അത്രയും ക്ളാരിറ്റിയുള്ള ചിത്രം ചിത്രകാരരുടെ ഭാവന കൂടി ചേർന്നാണ് പൂർത്തിയാക്കപ്പെട്ടത്. അത് തുറന്നു പറഞ്ഞ വർ കുറവ്.
ചന്ദ്രന്റെ പുതിയ ചിത്രങ്ങൾ പുറത്ത് വിട്ട് ഐഎസ്ആർഒ. പ്രഗ്യാൻ റോവർ ചന്ദ്രോപരിതലത്തിൽ ഇറങ്ങുന്നതാണ് ഐഎസ്ആർഒ തന്നെ പുറത്തുവിട്ട പുതിയ ദൃശ്യങ്ങളിൽ. ലാൻഡർ ഇമേജർ കാമറ പകർത്തിയ ദൃശ്യങ്ങൾ ISRO യുടെ തന്നെ എക്സ് ലിങ്കിൽ ചുവടെ കാണാം. ( Chandrayaan 3 Lander Shares Its First Video From Moon Surface
ബുധനാഴ്ച വൈകിട്ട് 6.04 നായിരുന്നു ചന്ദ്രയാൻ 3 വിജയകരമായി ചന്ദ്രനിൽ സോഫ്റ്റ്ലാൻഡിങ് പൂർത്തിയാക്കിയത്. ലാൻഡറിൽ നിന്ന് പുറത്തിറങ്ങിയ പ്രഗ്യാൻ റോവർ ഇന്നലെ പര്യവേഷണം ആരംഭിച്ചു. റോവർ മൊബിലിറ്റി പ്രവർത്തനങ്ങളും തുടങ്ങി. ലാൻഡർ മൊഡ്യൂൾ പേലോഡുകളായ ILSA, RAMBHA, ChaSTE എന്നിവ ഇന്ന് ഓൺ ചെയ്തതായി ഐഎസ്ആർഒ അറിയിച്ചിരുന്നു. ഒരു ലൂണാർ ദിനം അതായത് ഭൂമിയിലെ 14 ദിവസം മാത്രമാണ് റോവർ പര്യവേഷണം നടത്തുക. ലാൻഡറും റോവറും സൗരോർജത്തിലാണ് പ്രവർത്തിക്കുക.
സെക്കൻഡിൽ ഒരു സെന്റിമീറ്റർ വേഗതയിൽ സഞ്ചരിക്കുന്ന പ്രഗ്യാൻ നാവിഗേഷൻ ക്യാമറകൾ ഉപയോഗിച്ച് ചന്ദ്രന്റെ ചുറ്റുപാടുകൾ സ്കാൻ ചെയ്യും. ചന്ദ്രന്റെ ഉപരിതലത്തിലെ തണുത്തുറഞ്ഞ പ്രതലമാണ് റോവർ 14 ദിവസങ്ങൾക്ക് ശേഷം പ്രവർത്തനരഹിതമാകാനുള്ള കാരണം.
ഈ പതിനാല് ദിനങ്ങളിൽ റോവർ പ്രവർത്തനങ്ങളിൽ ഏർപ്പെടുന്നതിനാൽ ശാസ്ത്രജ്ഞർ ലാൻഡറിൽ നിന്നും ലോവറിൽ നിന്നും വരുന്ന അഞ്ച് ഉപകരണങ്ങളിൽ നിന്നും വരുന്ന ഡാറ്റാ വിശകലനം ചെയ്യാൻ തുടങ്ങും. ഇതോടെയാവും പുതിയ ദൃശ്യങ്ങളും വിവരങ്ങളും യാഥാർത്ഥ്യത്തോട് ഏറ്റവും അടുത്ത രൂപത്തിൽ എത്തുക.
