ആര്ട്ടിഫിഷ്യല് ഇന്റലിജന്സ് സംവിധാനങ്ങളെ പരിശീലിപ്പിക്കാന് വാര്ത്താ ഉള്ളടക്കങ്ങള് അനുവാദമില്ലാതെ ഉപയോഗിച്ചതിന് ഓപ്പണ് എഐ, മൈക്രോസോഫ്റ്റ് എന്നീ സ്ഥാപനങ്ങള്ക്കെതിരെ പരാതി. ന്യൂയോര്ക്ക് ടൈംസാണ് പകര്പ്പാവകാശ ലംഘനം ഉന്നയിച്ചത്.
എട്ട് മെഗാ ബൈറ്റ് പിഡിഎഫ് ആർട്ടിക്കിളുകൾ നഷ്ടമായി എന്നാണ് പരാതയിൽ പറയുന്നത്.
പകരം ഉല്പന്നങ്ങള് നിര്മിക്കുന്നതിന് അനുവാദം ചോദിക്കാതെയും പണം നല്കാതെയും പത്രപ്രവര്ത്തന ശേഷിയെ ചോർത്തി ഉപയോഗപ്പെടുത്തുകയാണ് എതിര്കക്ഷികള് ചെയ്തതെന്ന് ബുധനാഴ്ച മാന്ഹട്ടണ് ഫെഡറല് കോടതിയില് നല്കിയ പരാതിയില് ന്യൂയോര്ക്ക് ടൈസ് പറയുന്നു. ചാറ്റ് ജിപിടി നിര്മാതാക്കള്ക്കെതിരെ പരാതിയുമായി രംഗത്തെത്തുന്ന ആദ്യ മാധ്യമസ്ഥാപനമാണ് ന്യൂയോര്ക്ക് ടൈംസ്.
നിയമവിരുദ്ധമായി തങ്ങളുടെ ഉള്ളടക്കങ്ങള് ഉപയോഗിച്ചതിലൂടെ കോടിക്കണക്കിന് ഡോളറിന്റെ നഷ്ടത്തിന് അത് കാരണമായിട്ടുണ്ടെന്നും ന്യൂയോര്ക്ക് ടൈംസ് പരാതിപ്പെട്ടിട്ടുണ്ട്.
