നിയാർക് കുവൈറ്റ് അധ്യക്ഷൻ ബഷീർ അബൂബക്കറിനെ വരവേറ്റ് ദോഹ ചാപ്റ്റർ

ഖത്തർ സന്ദർശിച്ച നിയാർക്ക് (Niarc) കുവൈറ്റ് ചാപ്റ്റർ ചെയർപേഴ്സൺ ബഷീർ അബൂബക്കറിന് ഹൃദ്യമായ സ്വീകരണം. ഹയാത്ത് റീജൻസി ഹോട്ടലിൽ ഒരുക്കിയ വരവേൽപ്പിൽ സംഘടനയുടെ ഖത്തറിലെ പ്രവർത്തകർ ഒത്തു ചേർന്നു.

നിയാർക്ക് ഗ്ലോബൽ ചെയർപേഴ്സൻ വെൽകെയർ ഫാർമസി എം ഡി അഷ്റഫ് കെപി, വൈസ് ചെയർപേഴ്സൺ ഹമീദ് എംടി, ഖത്തർ ചാപ്റ്റർ ആക്ടിങ് ചെയർപേഴ്സൺ ഖാലിദ് സിപി, ജനറൽ സെക്രട്ടറി ഷാനഹാസ് എടോടി എന്നിവർ നേതൃത്വം നൽകി. സംഘടനാ പ്രവർത്തകരുടെ സജീവതയും പാരസ്പര്യവും മാതൃകാപരമെന്ന് ബഷീർ അബൂബക്കർ പറഞ്ഞു. പ്രവർത്തകർ ചേർന്ന് ഉപഹാരം കൈമാറി.