സ്മൈൽ പ്ലീസ്, ചന്ദ്രനിൽ ഇറക്കിയ ലാൻഡറിനോട് വേർപിരിഞ്ഞ റോവർ മാതൃപേടകത്തിൻ്റെ ചിത്രം പകർത്തി. പ്രഗ്യാൻ റോവർ വിക്രം ലാൻ്ററിൻ്റെ ചന്ദ്രോപരിതലത്തിലുള്ള തെളിഞ്ഞ ഒരു ചിത്രം തന്നെയാണ് പകർത്തി അയച്ചത്. നാവിഗേഷൻ ക്യാമറയിൽ (NavCam) പകർത്തിയ ചിത്രം ഐഎസ്ആർഓ ലോകത്തിനായി എക്സിൽ ഷെയർ ചെയ്യുകയും ചെയ്തു.
ഈ ആഴ്ച ആദ്യം റോവർ അയച്ചത് ചന്ദ്രനിലെ അന്തരീക്ഷ താപനില സംബന്ധിച്ച വിവരങ്ങളായിരുന്നു. Chandra’s Surface Thermophysical Experiment അഥവാ ChaSTE യാണ് ഇത് പകർത്തിയത്. ചന്ദ്രൻ്റെ ദക്ഷിണ മുഖഭാഗത്തെ ഉപരിതലത്തിലെ താപ ഘടനയുടെ ഗ്രാഫും ഇതോടൊപ്പം പുറത്തിറക്കിയിരുന്നു.
