ഉമ്മന്ചാണ്ടിയെ കുറ്റവിമുക്തനാക്കി കോടതിയില് സമര്പ്പിച്ച റിപ്പോര്ട്ടിൽ കെ ബി ഗണേഷ് കുമാറിന് എതിരെ പരാമർശം.
ഗൂഢാലോചനയിൽ പങ്കാളിത്തമുള്ളതായാണ് സിബിഐ വിശദീകരിക്കുന്നത്. കെ.ബി ഗണേഷ് കുമാര്, ശരണ്യ മനോജ്, വിവാദ ദല്ലാള് എന്നിവര്ചേര്ന്ന് ഉമ്മന്ചാണ്ടിയെ കേസില് കുടുക്കാന് ഗൂഢാലോചന നടത്തി.
ക്ലിഫ്ഹൗസില്വച്ച് പീഡിപ്പിച്ചുവെന്ന പരാതിയില് ഒരു തെളിവും കണ്ടെത്താന് കഴിഞ്ഞിട്ടില്ലെന്നും റിപ്പോര്ട്ടില് സിബിഐ പറയുന്നു.
ഉമ്മൻ ചാണ്ടിയുടെ പേര് എഴുതി ചേർത്തു
പരാതിക്കാരി എഴുതിയ കത്തില് ഉമ്മന്ചാണ്ടിയുടെ പേര് ഉണ്ടായിരുന്നില്ല. ഇത് പിന്നീട് എഴുതിച്ചേര്ത്തതാണെന്നും സിബിഐ കണ്ടെത്തിയിട്ടുണ്ട്. പരാതിക്കാരി ജയിലില്ക്കിടന്ന സമയത്താണ് രാഷ്ട്രീയ കോളിളക്കം സൃഷ്ടിച്ച വിവാദ കത്തെഴുതുന്നത്. തന്റെ സഹായിയെവിട്ട് ഗണേഷ് കുമാര് കത്ത് കൈവശപ്പെടുത്തി എന്നാണ് സിബിഐ പറയുന്നത്. ഗണേഷ് കുമാറിന്റെ ബന്ധു ശരണ്യ മനോജ് നല്കിയ മൊഴിയില് ഇക്കാര്യം പറഞ്ഞിട്ടുണ്ട് എന്നും വ്യക്തമാക്കുന്നു
കേസില്സാക്ഷി പറയണമെന്ന് പി.സി ജോര്ജിനോട് ആവശ്യപ്പെട്ടു. എന്നാല് മൊഴി നല്കിയപ്പോള് ഇക്കാര്യം പി.സി ജോര്ജ് നിഷേധിച്ചു എന്നതടക്കമുള്ള കാര്യങ്ങളാണ് സിബിഐ റിപ്പോര്ട്ടിലുള്ളത്. റിപ്പോര്ട്ട് ഏതാനുംമാസം മുമ്പാണ് സിബിഐ കോടതിയില് സമര്പ്പിച്ചത്. ഇതിലെ വിവരങ്ങളാണ് പുറത്തുവന്ന
