ഇന്ദ്രൻസിൻ്റെ വേറിട്ട വേഷം; ശക്തമായ പ്രമേയം: സ്റ്റേഷൻ 5 ഒടിടിയിൽ

ഇന്ദ്രൻസ് ശക്തമായ കഥാപാത്രത്തെ അവതരിപ്പിക്കുന്ന സ്റ്റേഷൻ 5 മനോരമ മാക്സ് ഒടിടിയിൽ പ്രദർശനത്തിനെത്തി. വേറിട്ടതും ശക്തവുമായ പ്രമേയവും ശക്തമായ രാഷ്ട്രീയവും പറയുന്ന സിനിമയാണ് സ്റ്റേഷൻ 5. നരിവേട്ട , റിലീസാവാനിരിക്കുന്ന വിലായത്ത് ബുദ്ധ തുടങ്ങിയ ചിത്രങ്ങളിലെ നായിക പ്രിയംവദ കൃഷ്ണനാണ് ചിത്രത്തിൽ പ്രധാന വേഷത്തിൽ . ഡയാന ഹമീദും ഒരു മികച്ച വേഷത്തിൽ എത്തുന്നു. പ്രശാന്ത് കാനത്തൂർ സംവിധാനം ചെയ്ത സ്റ്റേഷൻ 5 ൽ സന്തോഷ് കീഴാറ്റൂർ, വിനോദ് കോവൂർ, രാജേഷ് ശർമ്മ, പ്രയാൺ വിഷ്ണു, ദിനേഷ് വർമ്മ, സുനിൽ സുഖദ, ശിവജി ഗുരുവായൂർ, ജെയിംസ് ഏലിയ, ശിവൻ കൃഷ്ണൻകുട്ടി നായർ, നഞ്ചിയമ്മ തുടങ്ങിയവരാണ് മറ്റ് അഭിനേതാക്കൾ. പ്രതാപ് നായർ ഛായാഗ്രഹണവും സലീഷ് ലാൽ ചിത്രസംയോജനവും നിർവ്വഹിച്ചു. റഫീഖ് അഹമ്മദ്, ഹരിലാൽ, പ്രകാശ് മാരാർ, ഹിരൺ മുരളി എന്നിവർ എഴുതിയ ഗാനങ്ങൾ കെ.എസ്.ചിത്ര, നഞ്ചിയമ്മ, വിനോദ് കോവൂർ, കീർത്തന ശബരീഷ്, ശ്രീഹരി എന്നിവർ ആലപിക്കുന്നു.